《學是學非》噚晚播出最後一集 網民：好唔捨得

《學是學非》由幾個宅男女神黄心穎、李佳芯、梁嘉琪、麥美恩、張秀文、湯洛雯主持，用輕鬆手法講解生活中會面對到嘅科學問題。節目播出後一直受到一眾巴打力撐，經過122集，噚晚播出最後一集，唔少巴打都話好唔捨得，希望會有第五輯。

而噚日隊長森美已經喺Facebook大賣關子：「今晚最後一集，捧場啦。我隱晦講俾你知，有人會退隊㗎啦！」

「是非精」黄心穎、梁嘉琪同埋張秀文都分別喺社交網站留言：

點解「是非精」會咁受歡迎？六位主持個個都放低形象瞓身演出，仲要成日著背心短褲，大晒青春氣息。佢哋仲各有特色，要靚樣有Ali李佳芯、要搞笑搞鬼有麥美茵、要身材有張秀文、要鄰家女孩feel有黃心穎、要氣質有湯洛雯。

節目内容輕鬆、學到嘢仲要多女神，如果有第五輯，相信網民一定會好開心。