宋宛穎手語歌挑戰難度 邵初唔玩大石 保住心口

梁凱晴(左起)、宋宛穎及邵初將表演手語歌籌款。
梁凱晴(左起)、宋宛穎及邵初將表演手語歌籌款。

應屆香港小姐宋宛穎、梁凱晴、邵初將初試啼聲為慈善騷表演手語歌,邊做手語邊獻唱,頗具難度。談到可會挑戰更高難度的「心口碎大石」?宋宛穎以「保持靚靚」為由婉拒,一向有急才的邵初則笑稱擔心屆時會變成「大石碎心口」,相當幽默!

港姐宋宛穎、梁凱晴、邵初,以及藝人朱晨麗、鐘錶界名人胡曦文前晚出席慈善晚宴,3位港姐表示將於籌款節目《歡樂滿東華》中表演手語歌,邊做手語邊唱歌,頗有難度,邵初亦指自己聲線較低沉,頗為另類:「本身都好鍾意唱歌,最緊要係做到善事籌多啲錢。」問到會否有高難度表演環節,如經典的「心口碎大石」之類,宋宛穎說:「可以交畀其他同事,我哋要保持靚靚形象嘛!」邵初則笑說:「呢啲要經好長時間訓練先做得靚,我怕到時係大石碎心口,唔係心口碎大石呀!」

朱晨麗生日願望想結婚?

朱晨麗透露忙於電影拍攝工作,因此才缺席前日的無綫長期服務員工頒獎禮:「唔可以親身攞獎有少少可惜,不過公司有留番獎牌畀我,希望好似阿姐(汪明荃)咁有50年呢一日,可以喺一間機構咁長時間真係好犀利!」現正影視雙邊發展的她,對於能夠有機會外闖接觸不同領域感開心,亦體會到拍攝電視劇與電影之間的不同之處。即將迎來34歲生日的她,指已被朋友約食飯約至爆期:「約唔到生日前食嘅朋友請多多包容。(正日同邊個過?)未知呀,因為嗰日要做嘢。(生日願望呢?)唔通話結婚咩,哈哈,最重要身體健康啦。」

另外,有「鐘錶界美女」之稱的胡曦文向來善心爆棚,昨晚除親身出席晚宴外,亦捐出由她親自設計的名錶作拍賣:「隻錶本身係為皇室設計,只係生產5隻,其中一隻會喺聖誕送畀皇室,另一隻就捐出嚟做慈善。」還透露下月將聯同一眾名人到深水埗派發聖誕禮物予單親家庭:「之前我哋慈善基金籌咗30萬嘅護膚品,到時會當聖誕禮物送畀一啲單親媽媽,佢哋平時為生活為屋企奔波勞碌,都冇時間去愛錫自己。」

朱晨麗玩透視Look,若隱若現。
朱晨麗玩透視Look,若隱若現。
胡曦文出席晚宴共襄善舉。
胡曦文出席晚宴共襄善舉。