宮心計｜童年版「三好」陳詩慧長大了！由甩牙小妹妹變美少女

近年無綫都會喺凌晨時段播放經典劇集，好似最近就重播皇牌宮廷劇《宮心計》，唔少觀眾​​都捱眼瞓捧場。除咗睇主角們嘅精湛演技之外，大家都留意到小演員嘅精彩演出，當中包括飾演佘詩曼童年「小三好」嘅陳詩慧。當年嘅陳詩慧精靈可愛，喺《宮心計》中嘅喊戲更感動唔少觀眾，唔經唔覺佢已經21歲，長得亭亭玉立。

陳詩慧同家姐陳小慧都係童星，喺街被星探發掘後便加入娛樂圈。2005年開始演戲嘅陳詩慧，參演過唔少電影，參演完《保持通話》後被梅小青睇中飾演「小三好」一角。佢喺《宮心計》中有唔少喊戲，例如媽媽江采瓊（田蕊妮飾）因失職而被打至重傷而死，成功感動唔少觀眾，睇到大家心都噏埋。其後佢亦有參演唔少劇集，例如《公主嫁到》、《心花放》、《女拳》及《法證先鋒III》等等。有傳陳詩慧曾獲邀出演電影《逆戰》，酬勞有6位數字，不過因為要去外地拍攝兩個月，媽媽擔心會影響其學業，所以最後未有接拍。另外，亦有指佢學業成績麻麻，更被老師勸要專注學業，不過佢仍然堅持拍劇，直至考入元朗區官立中學後，先正式停止拍劇。

唔經唔覺佢今年已經21歲，外貌長得可愛又靚女，再唔係當年嘅甩牙小妹妹。喺感情方面，佢一位拍咗拖幾年嘅男朋友，感情相當穩定，更曾大膽分享初吻時嘅情景。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！