家庭最重要 攞獎隨緣 羅子溢忍心離開妻女 返內地賺人仔

·2 分鐘文章
羅子溢坦言成為父親後,對演戲有幫助。
羅子溢坦言成為父親後,對演戲有幫助。

藝人羅子溢3度演醫生角色,於新劇最深刻是跟1歲大的BB做對手戲,當場淚崩!現實中他為讓愛女「小珍珠」有更好的成長環境,有意將重心轉移到內地市場賺奶粉錢,預計「扎根」一段長時間,忍心捨棄跟妻女的相處時刻!

羅子溢於無綫熱播劇《星空下的仁醫》再次演醫生,自言多了個人經歷,結婚生女後變得成熟,對處理角色有幫助,加上今次劇集背景是兒科部門,感覺非常深刻。他舉例指跟1歲大BB拍攝時,見躺在病床的BB貼滿儀器,望一眼已心酸︰「換轉係10年前嘅我,可能真係需要時間去培養感情,但依家我一望,眼淚水都標出嚟,覺得佢真係辛苦,每講嘅一句對白都好真。」

他坦言一直想拍台慶劇,因覺得「中獎」機會較大,不過現時他將家庭放首位,比任何獎項更重要︰「實際啲希望搵多啲錢返屋企,榮譽係想要嘅,但要配合太多天時地利,我控制唔到,要去追求一啲自己控制唔到嘅嘢,就好易鑽牛角尖,開始要諗將來更遠嘅事。」

「掙扎咗好耐」

與老婆楊茜堯育有一女「小珍珠」羅翊心,他直言現時目標明確,為愛女鋪康莊大道,可謂廿四孝爸爸,明知離港工作會失去天倫之樂亦在所不辭,他自爆計劃將工作重心轉移內地,用幾年時間發展︰「其實都掙扎咗好耐,同老婆商量咗好耐,但冇辦法,市場大啲,做演員都希望多啲人認識自己,今次會係我人生中好大嘅轉變。(同老婆一齊走?)係有傾過,但我話等我適應咗先,其實大人去邊度都唔緊要,只係小朋友依家仲好細,等知道佢鍾意啲咩再決定。」

另外,近日他與《星》劇演員鍾嘉欣玩快問快答遊戲,問到劇中誰最惡?嘉欣搞笑踢爆是鄭嘉穎,笑爆全場!而最新收視方面,《星》劇錄得18.5點,繼續平穩上升。

鍾嘉欣與羅子溢玩快問快答遊戲,前者笑指鄭嘉穎最惡。
鍾嘉欣與羅子溢玩快問快答遊戲,前者笑指鄭嘉穎最惡。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能