家族榮耀｜演員卡士勁但爭產劇好老土 網民：重播溏心風暴好過

TVB外購網劇《家族榮耀》喺星期一（7日）首播，由於劇集早於1月率先喺內地優酷視頻及myTV SUPER等影視平台播出，所以劇集已掀起一定話題。劇集喺無綫已經播映咗幾集，而家就同大家睇下網民嘅反應啦！

又係爭產劇好老土
豪門爭產劇《家族榮耀》主要圍繞豪門大家族勾心鬥角，上映一場場兄弟內訌、叔嫂私通、報仇及股份爭奪戰等戲碼。雖然劇集引起唔少話題，不過唔少網民都話劇情好老套同悶，留言話「溏心風暴 宮心計仲唔夠？」、「成日拍埋曬離X曬地富豪爭產，睇得多都悶」、「第一嘢聽到呢套戲剩係覺得點解溏心風暴又翻炒」、「老土劇,睇咗兩集唔想睇」、「恩怨情仇爭家產，由細睇到大， 個個演員都仔女成群啦！冇咁大興趣睇」、「估到下一步嘅劇情，有啲悶」、「又係溏心風暴既朋友，幾多年喇，進步下啦」、「呢套嘢好老土」及「重播溏心風暴好過」等等。

楊茜堯演技精湛
產後復出嘅楊茜堯喺劇中飾演選美冠軍甄芯，喺第一集就已經加入豪門，成為馬家二少奶，佢將會又一開始單純嘅人，去到後來完全黑化。無綫至今播到第四集，佢仲未黑化，唔少網民已經留言大讚佢演技精湛，例如「呢套楊怡真係幾好戲 可以拎視后」、「做得好入戲 演技超贊」、「好鍾意甄芯」、「二家嫂演技精湛」及「看完了！演得真好 把角色詮釋的淋漓盡致」等等。

「6膠」Hillary靚又sweet
劉沛蘅（Hillary）上年憑主持ViuTV遊戲節目《膠戰》人氣急升，今次佢喺《家族榮耀》飾演馬家大孫小姐馬招娣Judy，佢喺劇中戲份唔算多，不過依然吸引到網民注意，留言讚佢靚又sweet，例如「千金小姐出場喇 So Sweet」、「好sweet, 喺大台節目見到Hilary」、「hillary!!!! 靚靚」、「有viu 個Hilary」及「做熊黛林個女 但又冇違和感」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！