家族榮耀｜Hillary劉沛蘅憑《膠戰》入屋 原來係熊黛林師妹兼家境豐厚？

TVB熱播劇集《家族榮耀》備受好評，劉沛蘅（Hillary）於劇中飾演熊黛林（Lynn）大女馬招娣，第13集劇情被熊黛林掌摑一幕演出自然令觀眾眼前一亮，而原來二人同屬一間模特兒公司；於劇內飾演開朗千金馬招娣嘅劉沛蘅，現實中家境同樣豐厚。

30歲劉沛蘅居住於何文田豪宅，仲有個細妹，14年已開始模特兒之路，笑容甜美嘅佢得到「模界薛凱琪」之美譽。當時有新聞指狄易達撻着蔚雨芯（Rainky），而劉沛蘅與狄易達分別喺IG發表愛的宣言：「因為愛，明知不是事實也會不高興……」、「因為你，我知道愛。」而令戀情曝光，亦令劉沛蘅一度以「狄易達女友」身份為人熟悉，二人拍拖4年後分手。劉沛蘅近年因參演《蝕日風暴》、《十二金鴨》及《八個女人一台戲》等多套電影、主持香港開電視節目《美少女日本民宿》及兩輯ViuTV遊戲節目《膠戰》而成功入屋，人氣急升。

上個月，洪卓立（Ken）因IG限時動態上載一張劉沛蘅抱住狗仔嘅相，其「男友視角」令二人緋聞曝光，亦被網民發現佢哋手鐲同款，疑似秘戀；不過洪卓立其後解釋指純粹想分享狗仔得意相，強調與劉沛蘅係好朋友關係，但大量網民力讚二人非常合襯。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！