容祖兒胡杏兒被降Grade？出席內地頒獎禮僅坐第二排引討論

內地「2020時尚先生盛典」喺日前隆重舉行，頒獎禮當晚巨星雲集，請嚟中港台當紅藝人，包括香港樂壇天后容祖兒（Joey）、無綫視后胡杏兒、楊冪﹑鄧倫﹑蔡徐坤、許光漢﹑張鈞甯、郭采潔等等 。香港代表容祖兒及胡杏兒去內地參與咁大型頒獎禮應該都會有貴賓式招待，但今次俾網民發現佢哋被安排坐喺第二排座位，反而一啲年輕偶像及晚輩如楊冪﹑鄧倫及黃聖依等等，卻安排坐喺第一排正中位置。

Joey及杏兒貴為香港樂壇及電視界一姐，以往喺香港出席頒獎禮都會被安排坐第一行中間位置，不過今次佢哋卻被安排坐第二行，與憑《延禧攻略》成名嘅許凱、憑《想見你》紅遍亞洲嘅許光漢同一行，唔少網民都覺得容祖兒及胡杏兒「被降Grade」，更有網民留意到佢哋全程笑容唔多，令人感到唏噓。不過亦有網民話北上發展有得坐第二排已經好勁，因為楊冪嗰啲喺內地先叫一線。當晚Joey獲頒「年度歌手」並現場演唱《獨照》，而杏兒就獲頒「年度品質藝人」 。

其實而家好多香港一綫藝人返到內地拍戲都唔係做男女一，好似佘詩曼﹑羅嘉良及胡杏兒等等，已經同十年前好唔同，可能香港藝人要慢慢習慣啦！

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

【相關搜尋】內地走紅的香港明星