專演TVB劇「主角少女版」 區明妙勁派福利po黑色水著加學生妹造型
專演TVB劇「主角少女版」 區明妙勁派福利po黑色水著加學生妹造型拍過多套TVB劇、專門演出「主角少女版」同埋學生妹嘅區明妙,間唔中都會喺IG post相盡顯身材。近期天口熱,區明妙更加一連兩日勁派福利,有超誘人嘅黑色bikini水著、小背心低胸裙、晒腿住家照以及學生妹造型,相信令一班巴打睇得好清涼。
22歲嘅區明妙係薛家燕嘅藝術學校旗下女團Honey Bees前成員之一,喺2017年曾獲韓國娛樂公司邀請前往當地做練習生,不過當時佢就覺得自己仲未完成學業,而且韓國娛樂圈太大競爭,再加上佢鍾意演戲多過唱歌,所以最終選擇留喺香港發展。妙妙過往喺唔少劇集飾演學生妹角色,例如《親親我好媽》、《她她她的少女時代》、《愛上我的衰神》及《青春不要臉》等等。舊年佢憑《黯夜守護者》飾演表面乖乖女,內裡反叛嘅問題學生Cindy而受到關注。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!