小男人的5大特質

今時今日，女權不算當道，但至少十個有九都有搵錢能力，即使生完都堅持繼續工作，那種「女人就是生兒育女、操持家務」嘅思想，大概連我老豆都嫌守舊。綜觀身邊女性好友(尤其大學畢業)，全部有主見、有思想，主導性相當強，而佢地嘅對象大多是小男人，所謂小男人是潛意識希望愛侶為佢安排好一切，上至工作家庭決策，下至生活食飯，當然佢地唔係軟飯王，工作時總會專心落力，但返到屋企卻活像一個大細路。現今，40歲以下嘅男人大多被認為越來越「小男人」了，且更有年輕化的趨勢，究竟一個小男人通常有咩特質？作為女性嘅你又Buy唔buy呢，唔通要好似呢位事主咁，被大男人拖實，又被小男人攬住？！玩到咁重口味，真係服咗你！

依賴感強
無論大小事都揸唔到主意，毫無主見，乜都要問你意見，相當尊重你決定，因佢無意見。

低聲下氣氹返你
嗌交時，會反省自己有無錯，如有錯會低聲下氣氹返你，一句「對唔住」係佢口中唔難講出口。

性格懦弱
即係比同事恰，或係街見到公義之事，都戰戰兢兢，一聲都不敢吭，返到屋企先同你呻；同埋只識喺網上做鍵盤戰士。

鍾意打機
除咗返工，就係打機，食飯嗰陣都拎住部機，你會好似阿媽咁問，「你肯食飯未呀？」

人生大事拖得就拖
結婚生仔呢啲嘢拖得就拖啦，好多時甚至完全零計劃，唔想煩就避而不談；咁大責任嘅嘢，佢哋要諗好耐！