小鎮定必寧靜?法國小鎮教堂一日打鐘600聲!
如果講起歐洲小鎮,大家一定會想像係寧靜又安逸,可以享受郊外悠閒放鬆嘅人生。點都估唔到法國中部Auvergne地區一個名為Ceyrat嘅小鎮,近日就因為一件事鬧到全國皆知,就係有居民投訴教堂打鐘太頻密。
事緣一位今年先搬入小鎮嘅居民認為當地教堂一日24小時內每半小時打一次鐘,覺得極度煩擾,該位居民話教堂每半小時打鐘一次,一日一共打鐘600聲,就連半夜都不得安眠。該位居民發起全民投票,共獲得300多人聯署贊成,將向全鎮共6千多位居民發起投票「教堂夜晚應否停止打鐘?」希望於夜晚10時至早上7時設為「靜音期」,禁止教堂打鐘。雖然得到300名居民贊成,不過亦有唔少人覺得係城市人搬入鄉郊而唔習慣,唔能夠「入鄉隨俗」,雖然暫時未有結果,唔知大家又點睇呢?
(圖:Olmetfenfance@Twitter)
___________________
送《假冒女團》換票証
按此下載全新Yahoo APP,送你Anson Lo首次擔任男主角電影《假冒女團》換票証,想睇AL點樣易服男扮女裝、勁舞演出?立即下載Yahoo App!
___________________
相關文章: