尚氣|梁朝偉精湛演技獲外媒大讚 連韓國網民都話想嫁俾佢?

·3 分鐘文章
梁朝偉
梁朝偉

漫威首部華裔超級英雄電影《尚氣與十環幫傳奇》(Shang-Chi And The Legend Of The Ten Rings)日前正式上映,首次進軍荷里活嘅梁朝偉為電影破例飾演反派加父親「文武」,梁朝偉喺劇中嘅演技無庸置疑,除咗獲得香港人高度關注外,唔少外國媒體及觀眾都大讚佢嘅演技冇得彈,更有韓國網民話想嫁畀佢。

有報道指電影導演冇為角色設定太多背景,放手俾梁朝偉自由建立「文武」,而入行近40年嘅梁朝偉冇令大家失望,憑帥氣外型、一雙電眼、表情變化及神級演技,成功演活呢個唔係得個「奸」字嘅文武。唔少網民仲話佢演技好好及搶鏡過「尚氣」劉思慕,連外國傳媒都給予佢至高無上嘅評價,例如話佢係超級英雄電影史上最佳演出、梁朝偉喺《黑豹》後Marvel最佳獨立電影嘅秘密武器、及佢一出場其他人同場景都會俾佢氣勢完全蓋過等等。

梁朝偉魅力沒法擋,《尚氣與十環幫傳奇》喺韓國上映後,唔少網民都俾佢迷倒,除咗Twitter上有唔少梁朝偉過往嘅電影劇照之外,更有網民話睇完電影後被圈粉,返屋企同媽媽講話想嫁俾梁朝偉,點知係偉仔影迷嘅媽媽回應話:「妳算什麼!就憑妳也想與梁朝偉交往?」,對話引起網民討論及爆笑。

而一班香港網民亦有到梁朝偉IG留言大讚其演技,例如「文武世一 希望有前傳 電影雖然由頭帶到尾但未講得哂」、「Nice surprise 不愧是一代宗師[Salute] 帥氣光芒 神的演技」、「看你的演技就非常值回票價了,你的演技把這部片提升到另一個境界,你把文武這個角色演得又真又活,也非常帥氣!」、「偉仔好戲演技好」、「Soooo 有型!loved ur Interpretation of wenwu.」及「好好睇,你好有型靚仔又好戲」等等。

《尚氣與十環幫傳奇》海報
《尚氣與十環幫傳奇》海報
《尚氣與十環幫傳奇》海報
《尚氣與十環幫傳奇》海報
《尚氣與十環幫傳奇》預告截圖
《尚氣與十環幫傳奇》預告截圖
《尚氣與十環幫傳奇》預告截圖
《尚氣與十環幫傳奇》預告截圖
《尚氣與十環幫傳奇》預告截圖
《尚氣與十環幫傳奇》預告截圖
《尚氣與十環幫傳奇》預告截圖
《尚氣與十環幫傳奇》預告截圖
梁朝偉
梁朝偉
梁朝偉
梁朝偉
梁朝偉 & 陳法拉
梁朝偉 & 陳法拉
梁朝偉
梁朝偉
梁朝偉
梁朝偉

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能