「峯語戀」正式劃上句號 林峯吳千語承認已分手

39歲嘅林峯同27歲嘅吳千語拍拖5年，上年開始不斷傳出分手消息。尋日林峯出席《英皇電影2018巡禮》時，開口承認二人分手。仲話佢哋係和平分手，同吳千語都已經分開咗一段時間，希望大家可以俾啲空間佢哋，以後感情事唔多講。至於被問有冇唔捨得呢段感情，林峯就拒絕再回應。而吳千語亦差唔多時間喺社交網站承認二人已分手。

早前，有人見到林峯同內地內衣模特兒張馨月一齊去主題公園，問佢係咪有新女朋友，佢話感情事唔再講，專注工作。而吳千語亦都唔弱㗎，有傳佢就極速搭上前全國政協及地產商施子清嘅孫、28歲百億富三代施伯雄。佢地二人正式為「峯語戀」劃上句號。