環球旅遊|巴西網紅帶狗狗遊北美 不幸車禍離世 生前最後貼文曝光

Jesse Koz為咗帶自己心愛嘅老狗Shurastey見識世界,變賣家當。
(圖:Jessekoz@IG)
Jesse Koz為咗帶自己心愛嘅老狗Shurastey見識世界,變賣家當。 (圖:Jessekoz@IG)

人生只得一次,有幾多人可以為自己夢想勇敢去做自己想做嘅事?巴西網紅Jesse Koz為咗帶自己心愛嘅老狗Shurastey見識世界,今年2月開始於墨西哥出發,穿越美國去加拿大,但日前不幸於美國俄勒岡遭遇車禍,人同狗狗一同離世。

曾經到過世界大半地方,全因為愛錫狗狗。
(圖:Jessekoz@IG)
曾經到過世界大半地方,全因為愛錫狗狗。 (圖:Jessekoz@IG)

Jesse Koz同Shurastey由於疫情關係,原本兩年前出發嘅旅程延至今年2月先正式出發,Jesse駕駛住心愛嘅1978年經典甲蟲車,一人一狗非常溫馨。Jesse其實並非第一次同Shurastey遠行,因Jesse以前養過第一隻狗狗Kiko離世後曾經抑鬱過好一段日子,直至領養到Shurastey先重新走出陰霾,隨年月Shurastey亦變成老狗,Jesse意識到陪伴Shurastey嘅時間愈嚟愈少,於是變賣所有家產,改造汽車,帶住狗狗周遊各國,以前曾經到過戈壁沙漠、非洲哥斯達黎加、巴拿馬等。

Jesse其實並非第一次同Shurastey遠行,想不到成為最後一次。
(圖:Jessekoz@IG)
Jesse其實並非第一次同Shurastey遠行,想不到成為最後一次。 (圖:Jessekoz@IG)

而今次既旅程其實已接近尾聲,上星期六Jesse先於IG出Post話仲有兩日就離開美國進入加拿大,代表今次旅程完滿結束,但好可惜不幸離世,唔少Follower都紛紛留言悼念呢。

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

英國倫敦新地鐵線「伊利沙白線」開通!英女王現身 港鐵有份營運?

環球趣聞|玻璃吊橋熱潮!全球最長玻璃吊橋捷克落成 橋面超窄只容得下2人行走?

旅遊數據|疫後旅遊地點逾6成港人揀日本 1/4受訪者打算玩足逾兩星期!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能