【布吉自遊行】三大布吉套票推介 一家大細／情侶一樣有得揀

炎炎夏日，大家都應該好想去玩下水啦！不過去到8月，暑假仲有唔夠一個月就完，要抓緊夏天嘅尾巴，就要快手揀個好Package出發。泰國布吉近近地，一向都係香港人玩水首選之一。今次為大家精選3個酒店連機票Package，各有特色，有啲啱一家大細、有啲適合情侶二人世界，即睇以下3個Package邊個最啱，快手搶訂啦！

私密度高 最啱情侶：The Pavilions

推介指數：*****（以5星為滿分）

性價比指數：****

好多情侶都鍾意去布吉玩水，不過唔少都未必剩係去沙灘，都想住度假村入面有私人泳池，可以有私隱度，等倆小口子Sweet下；推介呢個套票住嘅就係全布吉位置最高嘅The Pavilions，度假村主要客人都係情侶，所以好注重住客私隱，居高臨下，確保酒店外其他地方無人可以望到酒店入面；而且仲有蜜月優惠，每日送香檳，另外有二人Spa免費送！唔怪得The Pavilions被評為「亞洲最浪漫度假村」啦！

The Pavilions 4日3夜套票

價錢：$4,580起（每位計）

出發日期：即日至10月31日

航空公司：港龍航空

查詢：Sun n Sea Holidays 2926 1668

預訂：按這裡

度假村主打情侶，佈置浪漫有情調。

酒店有93間客房，中間有主泳池。

位處布吉最高點，可以望晒布吉全景。

唔少房間都有私人泳池，私密度極高。

一家大細玩唔停：Club Med

推介指數：****

性價比指數：****

Clud Med大名唔使多介紹啦，可以話係度假村中嘅勞斯萊斯！布吉Club Med位處Kata海灘，主打多款戶外活動，係一家大細最佳嘅選擇！度假村有多種水上活動，例如浮潛、空中飛人、射箭、哥爾夫球、瑜珈、泰拳、烹餁班等，全部都有酒店專業教練陪同。呢個套票入住Superior Room，最多可以入住2個大人及一位小朋友，仲要包晒早、午、晚3餐，另外提前45日前訂，就包埋免費機場專車接送！

Club Med 5日4夜套票

價錢：$6,299起（每位成人計）、$5,899起（每位小童計）

出發日期：9月13日至12月28日

航空公司：港龍航空 / 泰國微笑航空

查詢：康泰旅行社 2108 8111

預訂：按這裡

Clud Med可以話係度假村中嘅勞斯萊斯

主打一家大細，最適合家庭旅行。

度假村有唔少活動設施供小朋友玩樂。

有大量活動讓住客自由選擇。

閨蜜好友同遊：Grand Mercure

推介指數：****

性價比指數：***½

有時去度假村，未必一定要同家人或者情人，同一大班朋友一樣好開心！特別係布吉大型度假村，入面有晒唔同設施，一大班朋友足不出戶已經夠玩幾日！呢個套票就主打閨蜜4人同行，入住Grand Mercure四人房，有兩間睡房，每間房都有一張King Size大床。同時亦有一間睡房，King Size大床另外加床嘅客房，供3人入住。Grand Mercure位置超正，於布吉市中心，近Shopping地點，附近有商場同夜市，唔使再搭Tuk Tuk外出，啱晒大班人出外玩又得，喺度假村玩都可以！

Grand Mercure Phuket Patong 3日2夜套票

價錢：$4,150起（每位成人計）

出發日期：即日至8月31日

航空公司：港龍航空

查詢：星晨旅遊 2519 8088

預訂：按這裡

Grand Mercure位置超正，於布吉市中心。

客房有一張大King Size床，夠兩個人瞓。

Grand Mercure可以話最適合一大班朋友去住。

套票入住一間Suite，有兩間睡房。

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！