年近／過半百又如何？阻不了我當爸

當爸爸了！當爸爸了！當爸爸了！因為很重要所以要說三次。人年紀越大，身體機能就會下降，更不要說生殖能力啦，就算靠科技都未必成功能夠得到可愛嘅B仔B女架。當然，你話早啲生咪得，但係唔係人人都咁早就搵到認定終生嘅另一半架⋯⋯以下4位男神就係年近／過半百，先同另一半製造到愛情結晶品，一嘗做人爸爸嘅滋味啦：

1. 福山雅治－當爸年齡：46歲

日本不老男神福山雅治舊年同女星吹石一惠閃婚，消息傳出之後令不少女fans心碎，有啲師奶fans直情心情低落到唔煮飯畀屋企人食，當時福山雅治嘅經紀公司仲即時股價暴跌，市值蒸發咗近40億日元。但其實當時男神都46歲啦，終於搵到自己喜愛嘅對象，唔係應該為佢開心咩？而且男神另一半吹石一惠都好正呀，身材又好樣子又靚，而且係朋友變情人呢種，咁應該已經好了解對方啦～而近日47歲嘅福山雅治宣布太太懷孕，終於做人爸爸啦，相信佢哋下一代都應該遺傳到爸爸媽媽嘅良好基因，有個幸福美滿家庭真係好。

2. 劉德華－當爸年齡：50歲

作為天王巨星，華仔一直好保持形象，鮮有傳出緋聞，只有公開承認過喻可欣為女友，由1983年起拍咗3年拖就結束戀情。之後1986年認識朱麗倩就開始不斷被傳媒傳佢哋已經一齊咗，直至09年被踢爆2008年時47歲嘅華仔已經同朱麗倩結婚才公開承認。咁其實天王談戀愛都好大壓力嘅，去到邊傳媒就跟到邊，又試過陷入演藝低潮，加上以前藝人拍拖無宜家咁受人接受，天王想保護另一半都好正常。不過做咗天王咁多年，做fans嘅都應該想佢搵到幸福嘅，有邊個唔想有個平凡嘅家庭呢？天王公開承認結婚消息之前貫徹低調作風，避談家庭事，而2011年50歲嘅「民間特首」華仔宣布太太懷孕，並係次年喜獲一女，天王都可以一嘗天倫之樂啦。

3. 任達華－當爸年齡：50歲

型男影帝華哥任達哥，同Model老婆琦琦多年來一直恩恩愛愛，係娛樂圈模範夫妻嘅表表者。不過原來任達華都係50歲先做人爸爸，97年先同琦琦結婚，04年太太先誕下愛女Ella。原來任達華曾經有段短暫婚姻，不過華哥就無咩點同人提及過，睇嚟背後有段故。後來任達華第一眼見到琦琦嘅廣告照就已經對呢個女仔好有好應，仲幻想可以娶佢做老婆就好啦。之後佢拍旅遊特輯去到最後一站維也納，竟然喺酒店大堂遇到琦琦，於是即刻問佢拎電話同約食飯。自此華哥當然對琦琦一條心，幾乎無傳過任何緋聞，一等一好男人，50歲有埋囡囡之後更加變成好爸爸。雖然緣份嚟遲咗啲，但係搵到對的人，兩公婆就恩愛咗差唔多20年啦～

4. 杜德偉－當爸年齡：54歲

不老男神許志安，呀sorry，係不老男神杜德偉，當年佢打扮勁潮又狂野，成個壞男孩咁，當然冧死唔少女fans啦。不過生活中，佢都拍過唔少拖，又有勁多緋聞，當中比較令人有深刻印象嘅戀情應該就係吳君如同周汶錡啦。之但係咁多囡囡埋身，個心又點會定？後來仲有傳出唔少負面新聞，漸漸淡出咗香港人娛樂圈。當吳君如同周汶錡都搵到另一半嘅時候，杜德偉仲係一支公。不過人到中年，可能終於肯定落嚟，2012年50歲嘅杜德偉同當時26歲嘅女友結婚。今年54歲嘅杜德偉宣布太太有咗，仲話要四年抱三，生夠6個，估唔到昔日大男孩變成成熟男人，仲有心有力添～

圖片來源：福山雅治＠微博、劉德華 《愛永遠存在》 MV、劉德華官方網站、琦琦＠微博、杜德偉＠微博