【幾句說話就得】Bob再分享吸金大法:奇怪嘅事慢慢發生

·2 分鐘文章
【幾句說話就得】Bob再分享吸金大法:奇怪嘅事慢慢發生
【幾句說話就得】Bob再分享吸金大法:奇怪嘅事慢慢發生

藝人林盛斌(Bob)雖然疫情下工作都大受影響,不過瓣數多多嘅佢依然「條條大路通羅馬」!繼早前佢分享「換長銀包」發達秘技後,嚟到新1年,佢再分享另一個吸金大法,都係嗰句啦,「信不信由你」!

佢提到之前分享咗每朝起身都會同自己講嘅嘢:「今日,將會係好美好嘅一日,會有好多好好嘅事發生喺我身上!」更收到唔少人Send訊息畀佢話真係有少少用!今次佢再Share另一段說話,佢日日都會同自己講,甚至寫喺張紙上,然後貼喺塊掛牆板度日日望:「奇怪嘅事亦逐步逐步慢慢發生,我開始接觸到唔同範疇嘅工作機會,亦開始拓展咗唔同領域嘅生意業務。」

而呢段說話就係:「有好多好多錢,透過多個途徑,以遞增嘅方式,源源不斷咁湧向我,我覺得好開心,好感恩!」佢又提醒大家:「千祈唔好只靠單一收入去維持生活,呢個世界冇一份工作係絕對穩陣同安全,一定要運用你嘅知識、技能、人脈資源,去啟動呢個『多途徑收入來源』嘅機器!」

唔少網民都話學到嘢,而陳山聰就話:「感恩一早看到你的分享,凍都立即變暖🌈」視后胡定欣就笑言:「麻煩你喺『好多錢』之前,加我個名上去,唔該🤝」

係希望呀!
係希望呀!
大家睇吓跟唔跟住做喇!
大家睇吓跟唔跟住做喇!
胡定欣留言
胡定欣留言