張國榮摯愛唐鶴德被傳與紋身男交往 哥迷灌爆留言 唐唐親自回應：我們是兩個獨立個體 （更新）

【更新 16:44】

唐鶴德（唐唐）就事件剛剛在其社交網站作出以下回應 ：「我對最近發生的一些事情 令愛護 哥哥的「哥」迷產生誤會和不安 我對此致以萬分的歉意 ! 我會深 刻檢討 反省自己的行為和表現 ! 但以下有幾點我想澄清的：

1 我已搬離和哥哥的舊居十多年 了哥哥離開後我是獨居，現在仍然是獨居。

2 我和史先生是沒有承諾的朋友關係，我們是兩個獨立個體。

3 我沒有找代母生育小朋友 你們 見到的小朋友都是朋友的小孩 我 跟兩位小朋友像爺孫關係更多一 些。 我自問我一生都以真誠的態度對，待我的親人和朋友，若這次的行為 對大家造成不敬，我在此再深深的 一鞠躬，向大家致以無比的歉意。」

___________________________________________________________________________________________________________________________

張國榮離世21年，哥哥生前摯愛唐鶴德喺喪禮上嘅哀傷神情仍然令人動容，唐唐多年來都喺張國榮生忌等日子發布舊合照，相當深情。但近日內地網路瘋傳，65歲嘅唐鶴德同一名姓史嘅年青紋身男來往，令「哥迷」議論紛紛。

內地社交平台近日有人晒出一批唐唐與「史先生」嘅合照，相中二人不時搭住膊頭，表現親密。喺部份合照中，唐唐與「史先生」仲同小朋友合照，有人指係搵代母誕下嘅小孩，亦有指小朋友係「史先生」嘅姨甥。據傳「史先生」比唐唐年輕27年，甚至有人話「史先生」手臂密麻麻嘅紋身之中，紋咗一個「唐」字。另外有粉絲根據不同資料推斷，「史先生」入住哥哥生前同唐唐同居嘅愛巢。

有「哥迷」對唐唐疑似有新歡難以接受，更指哥哥骨灰至今仍未落葬；不過有「哥迷」指，張國榮希望離世後嘅安葬之所與任何宗教冇關，但香港難以搵到呢類地方，因此骨灰仍然安放於家中。

「哥迷」們得知消息後湧到唐鶴德IG帳戶留言，現時唐唐將IG設為非公開，唔知係咪不勝其煩。同唐唐不時見面嘅張國榮前經理人陳淑芬，日前喺網上直播回應有關唐唐傳聞，表示佢唔了解、唔知情，亦唔認識相中人，連名都未聽過。陳太仲話，佢唔會因為外間嘅傳言而主動向當事人求證，除非對方自動交代及想向外界公開。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！