張寶兒擔任《聲夢》畢業演唱會服裝指導 被網民嫌未夠班要進修

·4 分鐘文章
張寶兒
張寶兒

「億萬千金」張寶兒(Bowie)榮升人妻後,大家都好少見到佢嘅演出,原來佢已經靜靜地轉行擔任造型師。早前Bowie已經拍住形象總監 Janae Chan、設計師何國鉦(Dorian)為一班《聲夢傳奇》參賽者擔任形象指導,及為「東涌羅浩楷」利愛安(Kirsten)進行大改造,外界反應有讚亦有彈。最近佢再接再厲,為《聲夢傳奇》15位學員嘅畢業演唱會《聲·夢飛行First Live On Stage》擔任服裝指導,Bowie喺演唱會圓滿結局後發文分享感受,不過一班網民就唔係好識欣賞,仲認為佢未夠班做服裝指導及指佢製造大型「時裝災難」。

喺演唱會過後,張寶兒喺IG出多個PO去記錄今次做服裝指導嘅點滴,更逐一點評15位學員及其性格特點,再為佢哋揀選合適嘅服飾,其中炎明熹(Gigi)嘅其中一個皮褸造型,原來係佢媽媽嘅私伙皮褸。

喺最新一個PO佢自知經驗及資源不足,所以非常感謝Production和經理人嘅信任:「籌備一人演唱會的服裝尚且工作量大,為15個不同氣質身型的人在一個月內設計高達50個造型更是不容易,感謝Production和經理人願意相信我,給我機會。坦白說這個任務真的沒可能一人完成,因為第一次做 知道自己不夠經驗、資源不足,於是曾經多番請教不同專業朋友意見,去修正服裝配搭和風格方向。臨full dress rehearsal在製作最後把關後還是需要進行大改,是幾宿沒睡頻能疲憊,但仍是希望改到最好。

過程中努力學習平衡著製作、學員、家長、服裝品牌等不同心意。甚至有刻哲學家上腦,在思考究竟我襯衫是為了誰襯的⋯⋯是不容易,但希望沒有一個學員覺得自己是次選或被遺漏的,每一個都能以自己獨特又具魅力的風格呈現演出。」

之後,佢再話:「每個人都有第一次,但第一次不能成為退縮的理由,機會到了就要珍惜,建設性意見聽了,有機會便改進。非常感恩好多好多朋友的幫忙和不吝嗇賜教,讓我學會了如何租借大量新季服裝(借不到就要買);如何運送及排列上架大堆衣物;如何準備梳化服造型rundown;如何看著機位、take shot和燈光調整造型;如何急救處理外露絲襪打底、服裝未穿好等問題;如何幫忙quick change服裝及髮型;如何處理外借服裝的價錢牌;如何為演唱會衫需準備咪袋和收音配合;等等好多好多。就像學員們追夢的熱忱,被你們感染著,能夠坐言起行跳出框框,在新領域享受興趣,也是一種生命影響生命。」

一班網民就認為佢未夠班及指佢製造大型「時裝災難」,紛紛留言:「冇料扮四條,識人好過識字,唔係鬼搵你咩,唉!又係專業,真係識條鐵咩」、「原來真係你有份設計造型,唔怪得咁肉酸。Chantel條裙慘不忍睹,攪到佢由天鵝變咗醜小鴨」、「張小姐妳未夠料,唔該妳去跟專業人士學習吓先啦,你令到演唱會添上瑕疵」及「唉!!你做返幕前演出算吧啦」等等。不過,唔少《聲夢》學員就留言話自己好滿意佢嘅造型設計,亦有唔少網民好欣賞Bowie嘅努力,大讚佢今次做得好好。

張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒於《聲‧夢飛行First Live On Stage》擔任服裝指導
張寶兒
張寶兒
張寶兒
張寶兒
張寶兒
張寶兒
張寶兒
張寶兒
張寶兒
張寶兒

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能