張振朗獲頒「10年金牌」憂冇得撈

·1 分鐘文章
張振朗不經不覺已效力無綫10年有多。
張振朗不經不覺已效力無綫10年有多。

無綫昨日向旗下員工頒發長期服務獎,汪明荃(阿姐)、張振朗、羅蘭及韋家雄等現身領獎。張振朗獲得10年服務金牌,他受訪時說:「時間好似過得好快,咁多年嚟觀眾陪住我一齊成長,睇住我當初扮張智霖同黃宗澤,到依家喺《拳王》有比較突破嘅演出。」

談到《拳》劇日前首播,演其兄的譚俊彥離世一幕,他淚如雨下,振朗坦言:「我比較感性,拍喊戲一直唔使用眼藥水。嗰場戲我行入停屍間,見到大佬瞓咗喺度已經忍唔住,多謝佢即使鏡頭影唔到,仍然瞓喺度幫我入戲。」又坦言期望躋身今屆視帝5強,問到下個目標是否由其他人模仿他?他笑說:「幾得意,但我擔心咁落去冇得撈咋!」

至於阿姐服務無綫50年從無異心,上台時全場掌聲雷動。她日前返到工作室,與多個長期服務獎牌合照:「我覺得大家會有興趣睇吓,10年嗰個擺咗成40年,啲膠都甩晒。(諗住一直做落去?)做到就做。(有乜新挑戰?)依家最緊要係下個月西九嘅粵劇演出,暫時唔考慮拍劇。」

阿姐再添一面長期服務獎牌。
阿姐再添一面長期服務獎牌。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能