張敬軒開騷形象百變 預告「降兩度」暫別歌迷

【星島日報報道】張敬軒於6月在紅館舉行《HINSIDEOUT張敬軒演唱會》，今日在記者會公佈門票明日公開發售。軒仔自爆今早身處中環珠寶店劫案案發現場附近，當時他到髮型屋Set頭，落車後發現好多警察，據聞劫匪早他10分鐘離開。他覺得震驚，因為該珠寶店一帶是他經常去的地方，就算路過等車也會到該珠寶店前睇下，而且香港10幾年來少發生打劫金舖事件，希望警方盡快破案。記者叫他不要在珠寶店眼望望，又提及其中1名匪徒是美洲男子，軒仔笑言到香港以外地方，會被視為非中國籍人士要行國民通道。 今次是軒仔第4度於紅館開個唱，他表示會以百變造型亮相。談到被網民改名為「牛池灣孔劉」、「火爆小甜甜」及「西營盤彭于晏」，軒仔笑言個唱上要揀造型的話會選擇「牛池灣孔劉」，因為今日的髮型有點抄對方。他稱不會以海報上的噴火髮型出現，可留待籌款節目時表演，更笑謂可以燒其他地方，他說：「燒背脊，當拔罐！不過呢啲低溫火，唔會燒傷。」他表示於網上平台睇到好多網民不喜歡聽主打歌，還要求不要唱《櫻花樹下》，反而想聽少唱的歌曲，所以個唱上有少唱的歌外，亦有首本名曲，又指今次個唱一張門票可睇到兩個演唱會，透露不會分上下場般簡單。 問到會否以「降兩度」造型配合？軒仔說：「盡量以歌為主，形象百變。降兩度是象徵不夠自信的人上台表演，佢可能靚過張敬軒，到時會妹仔大過主人婆，所以演唱會應該叫降兩度出道暨暫別演唱會，如果紅過張敬軒就要改張敬軒暫別演唱會。」談到嘉賓方面，軒仔說：「勁㗎！三棲勁人，不過度緊期，就好似佗BB未夠3個月唔講住。」

睇更多