張致恒老婆雯雯爆囝囝呼吸唔到入院 怒轟Steven冷漠回應「佢依家仲有呼吸咪得」

張致恒（Steven）同老婆雯雯近年關係時好時壞，雯雯多次發文怒轟對方甚至揚言離婚，被網民封「離婚KOL」。早前，Steven透露自己開始到地盤工作賺錢養家，成為職安真漢子照顧家庭，正當大家以為Steven洗心革面時，今日（9日）凌晨，雯雯再到出Story爆囝囝呼吸唔到入院，更疑似炮轟Steven冷漠對待囝囝。

今日凌晨，雯雯於社交網站發文透露一家人接連患病，囝囝更因為呼吸唔到入院，之後道炮轟Steven漠視囝囝病況，只顧招呼朋友，更出言責罵雯雯。對於患病囝囝，雯雯更爆Steven只回應：「佢依家仲有呼吸咪得。」

雯雯Story全文內容：

/ 「係呀我靜咗咁耐又出嚟發癲，屋企存在病菌一個傳一個，仲要全部未病好。今日帶一個朋友小朋友嘔咗回家沖涼，坦白講對人哋同自己小朋友負責任嘅，係咪唔應該呢個時候去搏？我知道呢位朋友幫咗我哋好多，我哋係無可能拒絕，但咁多小朋友，我相信真心朋友嘅會明白。今日朗朗仲要呼吸唔到要立刻去醫院，當時你喺出面招呼緊朋友，仲要走入嚟大大聲鬧我，連朗朗辛苦到喊到咁犀利都望咗我一眼，細細聲叫咗我一聲媽咪。再到我媽打來聽到我喊都安慰我，叫我快帶朗去醫院，你？最記得：佢依家仲有呼吸咪得。 /