張致恒IG出Story搲睇牙贊助 網民：快手生多個咪有2萬睇囉

張致恒（Steven）同雯雯（區燕雯）喺2019年奉子成婚，婚後佢哋生完一個又一個，早前更迎來第四胎，四年抱四（張天寶、張天牧、張天朗及張天樂），認真厲害！作為「多仔公」嘅佢係屋企嘅經濟支柱，不過似乎生活費都好緊拙，喺半個月前連老婆都喺IG出2個Story表示想搵快錢：「能夠最快賺到錢嘅工作，歡迎搵我！」及「急需賺快錢，救命！」。雖然Steven最近開始有廣告拍，不過湊仔開支極大，搞到Steven連睇牙都要喺網上搲贊助。

喺噚晚（28日），張致恒喺IG出限時動態搲睇牙贊助：「咁大個仔第一次蛀牙，睇牙好貴有冇贊助？」，隨即引起網民喺討論區熱烈留言兼幫佢諗計，例如「自己剝咗佢囉」、「取代朱咪咪」、「其實政府睇牙唔洗錢。。。。」、「快手生多個咪有錢睇囉」、「其實我真係好佩服d人點解可以咁X厚面皮」、「Dm許廷鏗睇下佢肯唔肯義診」、「再生多個有2萬」、「生完咪有2萬睇牙醫囉」、「即刻生一個有兩萬」、「本身應該贊助唔係問題，但係個形象太差」、「厚面皮到咁都真係佩服」、「打拳啲錢咁快用晒」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！