待遇大不同!林鈺洧徐子珊談性史 一個獲高層力撐一個險被雪藏

林鈺洧&徐子珊

林俊賢女兒林鈺洧(Denice)因其星二代身份兼擁標青嘅外貌同身材,而當選今屆港姐冠軍。前年喺《對號入座》嘅大膽言論亦隨即被翻出,被封為新一代「性女」。而TVB總經理曾志偉就表示唔介意,亦唔會翻舊帳,因為人人都有過去,不過曾志偉呢番說話就令到網民戥徐子珊唔抵,因為徐子珊曾經喺電台性教育節目講自己嘅性史,搞到差啲被TVB雪藏。

27歲嘅林鈺洧擁有四分一英國血統,爸爸就係無綫80年代小生林俊賢。身高1米76嘅Denice,遺傳晒父母嘅優良基因,擁有樣貌標緻及高挑身材,曾憑43吋長腿殺入model界,不過可惜星運平平,其後選擇轉行做售貨員。後來佢加入ViuTV參與過唔少電視及節目拍攝,例如《詭探前傳》、《對號入座》及《鬼同你上位》等等,佢喺《對號入座》中嘅言論大膽、喺分享與唔同星座男士嘅性經驗時,仲大爆自己性史,例如自己同十幾個男仔約會過,有五個性伴侶,佢表示遇過一個雙魚男,佢連褲都未除就已經結束;相反天蠍男就持久力強兼招式多多:「佢唔止靚仔,高大,喺床上有好多招式同持久。如果需要同天蠍座嘅男仔發生關係,係需要好大體力,佢會將妳反嚟反去,翻天覆地,好暈,流晒汗。」

喺佢當選港姐冠軍後,該片段就被網民翻出,而林鈺洧就話相信時間可以沖淡一切,佢行得正企得正,唔擔心有損港姐形象,不過佢亦話今次係一個教訓,冇諗過公眾人物嘅一句說話會延續咁耐,所以佢之後會慎言。另外,佢亦表示冇後悔做《對號入座》,因為每一個節目都可以訓練到佢唔同嘅一面。至於TVB總經理曾志偉就表示唔介意,亦唔會翻舊帳,因為人人都有過去,仲話Denice喺參選期間有好大嘅進步。不過佢亦自爆Denice攞冠軍係好彩,因為起初佢嘅分數唔算高,不過喺泳裝問答環節就成功為佢攞到唔少分數。

曾志偉呢番說話就令到網民戥徐子珊唔抵,因為2004年港姐冠軍徐子珊,喺正值上位嘅2006年前往電台性教育節目《性在有心》擔任嘉賓,為劇集《女人唔易做》宣傳,期間佢講到自己對性方面嘅細節要求,例如性愛嘅理想時間係30至45分鐘、男伴唔可以矮過自己,因為有啲姿勢唔方便,不過自己就未試過。之後有指高層樂易玲急召佢照肺,搞到差啲被TVB雪藏,好彩得到監製梅小青力保。

《2022香港小姐競選決賽》截圖
《2022香港小姐競選決賽》截圖
林鈺洧
林鈺洧
徐子珊(2004)
徐子珊(2004)
徐子珊
徐子珊
林鈺洧
林鈺洧
林鈺洧
林鈺洧
林鈺洧
林鈺洧
林鈺洧
林鈺洧
《對號入座》截圖
《對號入座》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!