《後生仔傾吓偈》馮盈盈自爆被問500蚊過夜 朱智賢:我冇咁低價
![image](https://s.yimg.com/ny/api/res/1.2/Ote2Xo_FtGGb5WQBKvgP3A--/YXBwaWQ9aGlnaGxhbmRlcjt3PTk2MDtoPTU0Mg--/https://s.yimg.com/uu/api/res/1.2/k43i54jmPB_eMEPLaSIFLQ--~B/aD02MzU7dz0xMTI1O2FwcGlkPXl0YWNoeW9u/https://66.media.tumblr.com/afc3e921417ff384b54b8dee0487687b/tumblr_pl3ve1BT8g1u03abq_1280.jpg)
有好多女藝人都曾經俾人秘密問價,日前無綫節目《後生仔傾吓偈》以「藝人負評大反擊」作話題,節目仲邀請咗胡鴻鈞、劉佩玥、朱智賢及黃庭鋒做嘉賓。喺節目開段,只係提及到麥明詩喺台慶中表演跳舞時甩beat,被網民指跳得太核突!另一主持馮盈盈就向麥明詩指出全個舞台51人,網民觀眾淨係留意佢一個,被麥明詩反駁係咪妒忌佢,從而引伸到「做藝人係咪要厚面皮」呢個話題!
主持同嘉賓提及到大家通常被問價嘅時候有幾多錢,主持陸浩明(6號)就表示其實女藝人被問價真係好常見,當嘉賓朱智賢一聽到就非常大反應,佢仲表明自己係清白並唔係做開呢啲!有見及此,馮盈盈就即刻出聲問朱智賢咁嬲係咪因為啲人出手太低開價太少,更加講道:「我試過俾人inbox問我$500過埋夜得唔得?」嘩..真係聽到覺得少,唔知係咪因為盈盈佢已經明花有主,已經被男朋友私有化所以出手低啲呢?當盈盈咁樣表達時,真係令到一眾主持嘉賓一齊拍枱大笑。而呢個時候,朱智賢就話自己冇咁低價。
![image](https://s.yimg.com/ny/api/res/1.2/XSbWPV92SwK4mY49UAVXcg--/YXBwaWQ9aGlnaGxhbmRlcjt3PTk2MDtoPTUzNA--/https://66.media.tumblr.com/d748639ad43c2456e156618e2fae8e7a/tumblr_pl3ve16szL1u03abq_1280.jpg)
![image](https://s.yimg.com/ny/api/res/1.2/Ta.hPpqDN0LgBaUIWm5izw--/YXBwaWQ9aGlnaGxhbmRlcjt3PTk2MDtoPTUzNA--/https://66.media.tumblr.com/6832662ba3a7b99853a2e2191f11630d/tumblr_pl3ve221TG1u03abq_1280.jpg)
當大家都笑完馮盈盈再聽完朱智賢講之後,麥明詩就大爆自己曾經私下俾人inbox問500萬一晚得唔得!聽到馮盈盈即時瞪大眼O晒咀,仲要即刻講:「有冇搞錯!我覺得我封鎖啲人係啱㗎,啲人一啲都唔尊重女性!」
![image](https://s.yimg.com/ny/api/res/1.2/yQ9BcawevJGtFHB74ASF4Q--/YXBwaWQ9aGlnaGxhbmRlcjt3PTk2MDtoPTUzNg--/https://66.media.tumblr.com/32f3e79fe4c96a8ef92fad216241c379/tumblr_pl3ve2GS6R1u03abq_1280.jpg)
其後,到胡鴻鈞再發言時就表示有人討論區話佢咸濕,仲會加插一啲茄子同香蕉嘅圖案。而馮盈盈更即時加咀表示網民都會喺討論區到話佢咸濕,佢就好質疑啲網民點解要咁講,唔可以讚自己斯文有氣質嘅咩!呢句說話一出,令到全部主持嘉賓全場安靜,埸面搞笑!