《怒火》開畫 橫掃港星票房 甄子丹盼被刪戲份重見天日

英皇電影《怒火》前日於香港、新加坡首日開畫即創佳績，於香港更成為今年現時為止開畫票房最高電影，甄子丹得悉喜訊十分高興，並感謝觀眾支持，還大爆該片原來有3小時版本，希望能在DVD重新收錄！就連甚少入戲院睇戲的星夢一姐菊梓喬亦被該片之魅力迷倒，揚言要出關捧場！

英皇電影《怒火》前日於香港開畫，首日票房大收140萬，連同優先場累積高達170萬，成為2021年開畫票房最高及入場人次最多的香港電影，成績驕人。該片同日在新加坡公映亦榮登開畫票房冠軍，堪稱雙喜臨門。

慰陳木勝在天之靈

對於不少影迷第一時間入戲院支持，身在外地拍戲的甄子丹十分感激：「多謝觀眾捧場，個個演員都做得好好，盡心盡力，相信陳木勝導演在天堂應該都會好自豪同埋感到安慰。」子丹更透露：「原本導演第一版剪成3個小時，第二版剪成2個小時，有啲戲份好遺憾被刪剪咗，包括有兩場我好喜歡嘅戲，唔知電影公司將來會否在DVD重新收錄呢？凡事只要用心、盡自己能力，一定會做得好！」

菊梓喬出關睇戲

另外，歌手菊梓喬（Hana）、曾樂彤、ANSONBEAN昨於黃埔出席電台活動，Hana自言沒有耐性，一套電影隨時分開20次看，故喜歡在家睇戲，但為了《怒火》亦打算「出關」到戲院欣賞，她笑說：「好想睇，霆鋒喺戲裏面同甄子丹對打好有型呀！（有冇男仔約你睇戲？）梗係冇啦，好慘呀，所以成日宅喺屋企。」