雅虎香港新聞 
惡人菊蛻變玩黑絲 甄詠珊 寫真惡鬥 松岡李那
一年一度嘅香港書展將於今個月18日開鑼，今屆寫真集大戰亦逐一拉開序幕，早前喺《果欄中的江湖大嫂》演「惡人菊」人氣急升嘅前Freeze成員甄詠珊就為拍寫真遠赴西班牙、法國、巴塞隆拿、英國、上海等地取景，仲大玩黑絲誘惑！而日模松岡李那就回歸土炮製作，喺香港多個地點取景，包括人多擠迫嘅MK！
延伸閱讀：
甄詠珊 推處女寫真
甄詠珊喺《果欄中的江湖大嫂》演「惡人菊」，唔顧形象扮老扮惡兼扮醜，咁大犧牲終成功入屋又洗底。現實中37歲嘅甄詠珊曾組性感女團Freeze，當年以整容加隆胸上位，如今拆彈後默默耕耘，今次首度推出寫真集《惡人菊CHANGE甄詠珊》，佢就飛到歐洲嘅西班牙、法國、巴塞隆拿、英國、上海等地取景。
寫真中有甄詠珊喺巴塞隆拿沙灘影嘅水著照。
落重本搵來葉青霖的門生之一金永峯擔任攝影師。
又喺倫敦的士內著上型格內地，大玩黑絲誘惑。
喺寫真集中換咗超過十個造型。
甄詠珊仲喺寫真中執筆寫短句，並邀請咗佢嘅偶像郭晉安同《果欄》拍檔岑麗香幫手寫序。
寫真集名為《惡人菊CHANGE甄詠珊》，甄詠珊表示：「希大家睇到我一直以嚟嘅蛻變。」
盡展熟女的誘惑！
甄詠珊唔怕被定型
喺《果欄中的江湖大嫂》中飾演媽媽嘅甄詠珊，喺接到呢個角色時都覺得有一定嘅挑戰性：「雖然唔係第一次演媽媽，但第一次有一個咁大嘅女，監製想我哋演到好似姊妹一樣。」佢又話其實個角色唔算好醜，只係身世問題，要養起成頭家，又喺果欄同成班男人一齊做嘢，所以先會不修邊幅唔打扮！
聽說有很多女演員也抗拒演媽媽一角，因為怕被定型就會一直演下去，甄詠珊回應時就話：「唔介意呀！我自己嘅做人宗旨，就係邊度有飯食，就去邊度食飯，唔緊要，如果返唔到轉頭，咁以後媽媽嘅角色都搵我啦！」
甄詠珊強調：「每個角色都需要人去做，我係好Welcome去做任何角色！」
甄詠珊又話自己本身唔粗魯，平日說話都陰聲細氣！而佢雖未至於好愛打扮，但都會裝扮整潔才走出家門，她還笑道：「一定唔可以有眼屎！」
前性感女子組合Freeze成員有陳樂榣、甄詠珊、石詠莉，當年甄詠珊為咗搵兩餐而去隆胸，由32B升CUP至32D的逼爆身材，巨胸期限一過，她即勇敢「拆彈」還原Cup數！而近年佢簽約無綫，一劇接一劇，繼台慶劇《誇世代》後，又喺《燦爛的外母》中演出，成功入屋又洗底！
聽聽甄詠珊點講，去片：
成功入屋嘅甄詠珊，今日仲去咗男拔萃書院做見證，分享佢逆境自強嘅經歷！
Carisa Yan 甄詠珊（@carisayan123）分享的貼文 於 PDT 2018 年 7月 月 2 日 下午 11:13 張貼
松岡李那 港日齊推新寫真
而32歲松岡李那嘅新寫真集《I’m Yours》就喺香港取景，佢話諗過到日本廣島拍攝，但因為今次寫真集會喺埋日本推出，同埋認為香港係佢事業上嘅轉捩點，所以最後都係決定喺香港拍攝。
寫真集以日本現時流行嘅男友視覺拍攝，松岡李那表示希望讀者可以透過寫真集同佢拉近距離，感受佢嘅生活空間。
行半透視「股」惑！
寫真中除咗水著仲有內衣同小背心嘅造型。
好「胸」狠！
其中一個拍攝地點係旺角(MK)，松岡話覺得呢度夠晒貼地，而且充滿香港地道文化色彩。
Linah Matsuoka 松岡李那（@linahxoxo）分享的貼文 於 PDT 2018 年 5月 月 30 日 上午 12:43 張貼
松岡李那前年曾為宣傳《櫻桃小丸子》真人版電視劇，而扮成「野口同學」出寫真，今次推出第二本寫真集，佢話希望銷量可以衝破5萬本。
Linah Matsuoka 松岡李那（@linahxoxo）分享的貼文 於 PDT 2018 年 5月 月 31 日 下午 8:23 張貼
【世界盃】講波女郎張洛蔚 長腿混血兒泳衣照放送
【世界盃】日本妹票選世界遺產級美男球星
可能正過冠軍？ 歷屆8位索爆港姐亞軍一覽
延伸閱讀：
