雅虎香港新聞 意大利美酒之城拍賣900棟屋 最平唔洗$10港幣？！
香港樓價高企，已連續11年高踞世界首位，唔少人都會考慮到海外置業，甚至移民! 意大利市鎮西西里堡 （Castiglione di Sicilia）於3月開始出售當地900棟廢棄房屋，最平只是1歐元（約9.4港元），平到你唔信！根據美國有線新聞網絡（CNN）報道，西西里堡位於歐洲最大活火山埃特納火山（Mount Etna）嘅山坡上，可是許多鎮民都移居到澳洲或南美洲發展，該鎮人口從1900年代初嘅14000人銳減至今日嘅3,000多人，為了吸引外來者進駐，便推出呢個計劃。
西西里堡有「美酒之城」之稱，名列意大利最美歷史市鎮之一，該900棟廢棄房屋有一半已毀損，因此只象徵收取1歐元（約9.4港元），而其他狀態較好嘅房屋則賣4000歐元（約3.7萬港元）至5000歐元（約4.7萬港元）。這1歐元房屋曾是牧羊人及農家居住嘅小屋，其他則是昔日鄉村資產階級嘅住所，如有多人想買同一棟房子則要進行競標拍賣。不過平還平，買家必須在3年內完成裝修，並從銀行購買價值4,000歐元（約3.7萬港元）嘅保險單，大家又點睇呢？
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相片來源: Castiglione di Sicilia @facebook
