雅虎香港新聞 
懷舊小食: 糯米包
以前舊式的酒樓都會有賣一些特式點心如鵪鶉蛋燒賣，豬肚燒賣，銀針粉及生炒糯米飯等等。還有一款叫糯米包，唔知大家有無食過?
糯米包其實係一塊大的燒賣皮包住已調味的臘味糯米飯去蒸，食一籠都可以食飽。鐘意食糯米飯的朋友就更加喜歡這道點心。可惜 ! 現今的酒樓都好少見到有這道點心.... 原因可能係容易吃得飽，大家食飽左又點會繼續點選其他貴價點心，酒樓咪賺少咗錢，最好就唔推出為妙 !
大家想懷念或重溫這道點心，唯有自家製作啦 ! 材料簡單，買唔到咁大塊燒賣皮唔緊要，韋太教埋大家如何製作燒賣皮。日後想食隨時準備好，早餐在家沖杯靚茶，加一籠糯米包都可以慢慢品嚐及嘆茶啦 !
烹煮時間: 1小時
份量: 7-9 個
黃皮材料: (約9-10片):
低筋麵粉 (或麵粉) 60 克 + 雞蛋 35 克 + 鹽 1/8茶匙
黃色食用色素 2-3滴
材料:
白糯米 150 克
臘腸 1條
蝦米 1湯匙
花生 15克
調味料:
蠔油 1茶匙 ，雞粉 1/4 茶匙 ，砂糖 1/4 茶匙 ，麻油 1茶匙
做法:
1. 白糯米預先用清水浸7-8小時及浸一晚，瀝乾備用。
2. 將黃皮材料拌勻，然後鬆弛15分鐘，然後用木棍將麵糰推薄，用圓形模吸出9片直徑約3吋大的圓皮，然後再次推薄至4吋大的圓片，備用。
3. 臘腸蒸熟，切粒，蝦米用清水浸軟，切幼粒。
4. 花生放入巳預熱150度的焗爐，焗8-10分鐘至金黃色，放涼去皮，壓碎。
5. 燒熱鑊落少許油，將臘腸粒及蝦米爆香，加入花生拌勻，放涼。
6. 蒸籠加上白布或牛油紙，將白糯米鋪上，加入3-4湯匙清水，隔水蒸15分鐘。
7. 蒸好的糯米飯加入調味料及臘肉粒拌勻。
8. 將適量的餡料包入皮內，將口捏實及向下，排放在巳掃油的碟上 (或包底墊上牛油紙)，皮面噴上清水，蒸8-10分鐘即成。
小貼士:
1. 如不想自己做皮，可以到粉麵店買現成的燒賣皮，將2-3片重叠在一起再壓實，這樣才可以包入多些餡料。
2. 臘肉餡料隨個人喜好，可以加入臘肉或冬菇。
3. 食用色素可按個人喜好而使用。
作者：韋太
韋太 (Irene Chan)，業餘烹飪導師及產品食譜顧問。熱愛烹飪，喜愛鑽研各式各樣中西美食。做每件事情都講求完美，對食譜內容要求百分百準繩，不能有偏差而令讀者失望。
曾獲美心集團、獅球嘜、CONAIR、挪威海產外貿局及金寶湯等大型機構的邀請撰寫食譜；又修讀烘焙教學「專業培訓及評審」課程，取得國際性認可及格高級文憑。出版了十本個人創作食譜，分別是《自家製懷舊小食》、《一口果香》、《小食多滋味》、《自家製懷舊小食-2》、《我愛手工麵包》、《你煮得到的家常菜》、《人氣曲奇蛋糕》、《韋太王牌甜品》、《人氣招牌家常菜 》、《全手工低溫做麵包》以及《最多人想學的前菜小食》。
Related Articles:
Follow us on facebook: https://www.facebook.com/etnet.com.hk/
etnet財經‧生活網(www.etnet.com.hk)提供全面及專業的財經新聞及資訊，包括為用戶提供免費實時股票及期貨報價、專家點評等。同時《生活副刊》頻道，涵蓋財智、管理、世事政情、健康養生、消閒購物及數碼科技等資訊，盡享健康樂活之道。於2014年更推出《DIVA 品味派》潮拜頻道，集五大品味內容及視頻專案於一站 - Fashion、Beauty & Love、Watch & Jewelry、 Art & Culture及 Travel & Dining，日日更新，秒秒矚目。
