我家無難事｜車婉婉男友黃俊豪模特兒出身 仲係賭王千金何超蓮舊愛

無綫新劇《我家無難事》演員陣容華麗，有「影后」鮑起靜、「視帝」馬德鐘、楊明、車婉婉、「視后」唐詩詠、關禮傑、王君馨及胡斐等人主演。劇集播出咗三集，除咗馬德鐘和囝囝馬在驤首次父子檔拍劇成為焦點之外，飾演車婉婉男友嘅黃俊豪（Jeremy）同樣備受關注。

黃俊豪高大有型又靚仔，喺劇中有不少戲份。佢飾演車婉婉男友張力行Jonathan，係一位40歲嘅金融才俊，唔少網民睇過佢嘅演出後都大讚佢演技自然及靚仔。

現年31歲嘅黃俊豪，有「翻版金城武」嘅稱號，15歲到外國升學，畢業後便回流返香港從事模特兒工作。返港後佢原本與父母居住中半山，不過因為Jeremy早已習慣獨立，所以後來以大約2萬租金月租一個約300呎單位自住。Jeremy擁有183cm身高及38吋胸肌，模特兒事業發展不俗，深得廣告商寵愛。近年Jeremy開始踏上演藝路，更簽約成為邵氏兄弟同無綫電視旗下藝人，參演劇集包括《性敢中環》、《非凡三俠》及《我家無難事》等等。至於感情方面，有指Jeremy曾經係已故賭王何鴻燊三房千金何超蓮嘅初戀男友。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！