戰況激烈咬得緊 黎耀祥出《拳》 獲撐4奪視帝

·2 分鐘文章
黎耀祥不太計較獎項,只望觀眾睇到他與其他演員付出的心血。
黎耀祥不太計較獎項,只望觀眾睇到他與其他演員付出的心血。

貴為3屆視帝的黎耀祥近年對獎項抱平常心,但有拍檔姚子羚及張振朗「助攻」,直言面對着這位「神級」前輩就如白紙一樣,力推他4奪視帝寶座!

踏入台慶月,無綫4大台慶劇已鐵定為《星空下的仁醫》、《換命真相》、《拳王》及《十月初五的月光》。今年視帝之爭較視后激烈,多位熱門人選都已是「視帝級」,包括馬國明、陳展鵬及黎耀祥等,而《換》劇的譚俊彥及《拳王》的張振朗兩位「新丁」實力亦不容忽視,隨時跑出!

今、明兩日《星》劇及《換》劇會進行宣傳力谷,身在內地工作的黎耀祥亦隔空為11月播映的《拳王》造勢。他受訪時坦言此劇大家都拍得很辛苦,能夠成為台慶劇固然開心:「打拳呢個題材近年少有,希望可以帶畀觀眾新鮮感。」貴為3屆視帝,問到可有信心4奪寶座?他謙稱:「都係平常心啦!最緊要係劇集出嚟反應好,爭唔爭視帝呢啲對我嚟講冇乜所謂。」

姚子羚開工學嘢

《拳王》女主角姚子羚受訪時表示已多年沒跟祥仔合作,對上一次已是9年前拍《造王者》,她說:「我哋每次同祥哥同場都會好緊張,好想佢可以畀到啲意見。有位咁勁嘅前輩,可以跟佢學嘢係開心嘅,期待佢可以教我哋,就算佢唔教,我哋喺側邊睇都學到嘢!」問到是否睇好前輩再奪視帝?她說:「我當然睇好佢,仲有振朗啦!佢哋好專業,振朗每次拍擂台戲都好辛苦,好明白演員為咗演出付出嘅血與汗,係好感動。(自己想做視后?)冇諗咁多嘢,平常心,最緊要大家鍾意套劇。」

姚子羚榮幸再與黎耀祥合作,切磋演技。
姚子羚榮幸再與黎耀祥合作,切磋演技。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能