閨蜜姊妹打卡精選 歐陸宮廷風/浪漫星空下午茶

約閨蜜聚餐，梗係要搵間環境靚嘅餐廳打卡，兼嘆返個富造型感嘅下午茶啦！OpenRice為大家重點推介2間風格截然不同嘅餐廳，包括優雅宮廷風同浪漫星空主題，仲有多款特色美食同鹹甜點，快啲約埋身邊嘅閨蜜一齊食喇！

華麗歐陸宮廷風嘆下午茶 Royal INN

餐廳以純白色為主調，精緻嘅仿巴黎凱旋門浮雕拱門配埋古典水晶燈，踏入店內就畀滿滿嘅華麗歐陸氣氛圍繞，好似置身喺巴黎一樣！嚟到必試「歐式宮廷風二人下午茶套餐」，可以食勻共11款鹹點、海鮮小點心同甜點，好豐富㗎～約埋閨蜜一邊嘆美食、一邊談心就最好不過喇。而家用OpenRice訂座預付優惠，人均只需$154咋。

呢個Tea Set特別設有4款海鮮小點心，分別以龍蝦、蟹肉、黑魚子同北海道刺身帶子入饌，試到唔同海鮮嘅鮮味。鹹點款式就以cold cut類為靈感，如傳統巴馬火腿蜜瓜。另外甜品包括巴斯克芝士蛋糕、迷你鮮果撻、柑橘瑪德蓮貝殼蛋糕同七彩馬卡龍，濃味同清新口味都有齊。

Royal INN

地址：銅鑼灣告士打道311號皇室堡3樓313-314號舖

浪漫星空主題餐廳 Starò

想同閨蜜一齊喺夜幕下放鬆吓？呢間星空主題西餐廳就有IG-able半圓星空座位喇，仲有大量小燈泡環繞住你，氣氛浪漫又唯美。除咗環境雅緻，下午茶套餐同樣吸引，當中包括7款鹹點同5款甜點㗎。OpenRice獨家優惠69折起就食到，留意星空打卡位先到先得，想食就早啲book位同時訂餐啦。

呢個Tea Set都好啱海鮮愛好者，有大蝦、八爪魚、三文魚入饌之外，仲難得有生蠔𠻹。而手工甜點之中，Q版行星朱古力夠可愛，充滿少女感呀～

Starò

地址：尖沙咀諾士佛臺1號9樓

閨蜜限定 : 女生聚餐約會提案！（更多餐廳優惠按此）