承認曾與謝東閔拍拖 何雁詩捲小三風波 自責唔係人

·2 分鐘文章
月初與鄭俊弘補擺喜宴的何雁詩,坦言曾經歷一段難堪日子。
月初與鄭俊弘補擺喜宴的何雁詩,坦言曾經歷一段難堪日子。

早前和丈夫鄭俊弘補辦婚宴的歌手何雁詩,重提昔日當「小三」介入鄭俊弘跟當時未婚妻的戀情,事隔多年仍感內疚並自責:「我唔係人!」同時更首次承認曾跟無綫小生謝東閔有過一段情!

何雁詩本月初趁結婚一周年和鄭俊弘(Fred)補擺婚宴,2人拍拖初期曾發生「小三風波」,當時有傳她介入鄭俊弘與未婚妻之間,日前她在網上節目罕有地談論當年風波,她說:「我依家都唔係好記得,其實當時係唔係未婚妻?嗰下我都好震驚,需要好長時間去面對,我哋各自嘅事業都出現好大嘅危機,咁多年嚟我都唔係好鍾意講……我唔覺得我應該喺任何人面前去講我另一半嘅壞話。」

她承認令另一個女仔不開心:「我係有唔開心,同有內疚,我令到另一個女仔唔開心,雖然當時我唔知,呢個係我嘅感受,唔可以代表Fred講任何嘢,但事情發生之後,我guilty(有罪的),我覺得我唔係一個人嚟,我唔應該咁樣,我覺得當時嘅言行舉止都有問題,個人太直,講嘢唔經大腦。我嗰陣有講我清者自清,咁我(當時)係唔知㗎嘛大佬,當然企喺觀眾立場係『你都唔係清者』,我都好理解大眾心情,但可能個天注定要我經歷呢啲嘢。」

避傳媒 怕出街

當時為避傳媒,何雁詩自爆和Fred出入時要匿在朋友的座駕裏,靠父母買外賣,亦害怕出街被人鬧。她說:「我揀得同呢個人一齊,如果怨佢,真係頂唔順,我一係離開,如果要同佢一齊,就要忘記佢(事件)。」另外,她又首次承認曾經同謝東閔拍拖,又笑言對方靚仔,現時2人是好好朋友:「佢OK嘅,佢係一個好好嘅男仔。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能