拍同性親密戲 黃德斌冇眼睇

東方日報
·1 分鐘文章
Edan作狀獻吻,黃德斌即彈開。
Edan作狀獻吻,黃德斌即彈開。

藝人黃德斌、簡慕華、MIRROR成員Edan及Anson Lo,昨日為ViuTV劇集《大叔的愛》拍攝海報。適逢德斌月底生日,大家準備生日蛋糕為他預先慶祝,Edan作狀獻吻,德斌搞笑扮毛管戙彈開!談到生日願望,他表示:「身體健康、咩事都順利、大家開開心心、工作多啲啦。(正日點慶祝?)應該要做嘢,有新劇開。」談到該劇6月底播映,他坦言期待:「但又唔係好敢睇(HeHe場面),始終未試過拍呢種場面。(多咀戲?)其實冇乜,啲親密戲睇到笑咋!」又指其中一場戲與Edan共處一室,但尺度有限,搞笑成分居多。問到日後會否再拍同性戀題材的劇集?他表示不介意,最重要有發揮。

另外,MIRROR的5月演唱會一票難求,近日出現黃牛黨,有粉絲被騙8萬元,Edan與Anson異口同聲表示:「一早呼籲大家唔好買黃牛,同埋唔使心急,或者明年初就有更大型嘅演出呢,況且今次會出影碟,大家可以買嚟留念。」