拍拖隨緣 等緊代表作 何依婷要實力取勝:我唔係嚟玩

·2 分鐘文章
何依婷承認從前易呃易氹,很易受男士的虛情假意所感動。
何依婷承認從前易呃易氹,很易受男士的虛情假意所感動。

藝人何依婷一直有甚多演出機會,由節目主持、大騷司儀以至劇集中也能見她的身影,最近初嘗女一滋味,演技獲一致好評,她揚言為鞏固事業仍需不停學習求進,以證明自己不是來玩的。

何依婷(Regina)2017年參選港姐贏得亞軍後入行,在剛播畢的《十月初五的月光》初次擔正女一,她指壓力不算大:「全副心機放喺點去演,冇時間諗其他嘢,只係擔心做得唔好,因為我做事一向盡全力,令自己唔會後悔。(滿唔滿意自己表現?)開心嘅,因為好似自己個Baby終於出世,作為新人仲有好多嘢去學習進步,唔會因為一套劇自滿。」

易被男人呃

她坦言是個硬頸的人,會堅持做好每件事:「未成功唔好灰心,總有一日會得,不過有時都令到屋企人擔心。(例如呢?)揀男友囉,哈哈!當年讀大學,媽咪好唔鍾意個男仔,但我覺得幾好所以堅持一齊,因為我係一個好易感動好易呃嘅人,男仔對我好少少就覺得可以付託終生,佢哋會話『你唔係想嫁畀佢吓話?』」

隨着思想成熟了,男人的甜言蜜語攻勢已無效:「性格好緊要,樂觀、有風度同幽默感、有男子氣慨不拘小節,唔好郁啲發脾氣鬧我。(會唔會好難搵?)隨緣啦,又唔係急,呢幾年好重要,想等事業上足夠成熟先。(攞埋視后先?)又唔係,想試吓可以去到幾遠,keep住拍,有自己代表作先,想畀人覺得何依婷係有實力,唔係嚟玩,唔係只賣樣嘅。」

欣賞陳法拉

她自言很欣賞陳法拉,會以她為目標:「佢好叻好堅持,喺TVB開始演起,再去外國進修,然後拍出套好電影,佢一定係付出咗好多我哋唔知嘅努力,好欣賞佢嘅熱誠同勇氣。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能