拍片暗晒千萬豪宅 朱晨麗搬深井風水屋催谷事業

藝人朱晨麗（朱朱）同何廣沛最近默認6年緋聞告終，事業亦未見有起色，不過一段時間冇開劇嘅朱晨麗，就疑似搬咗去深井風水豪宅，疑似同視帝陳山聰、陳豪、連詩雅、吳卓羲等做鄰居。近日，朱晨麗就分享一段身處深井千萬風水豪宅露台跳兒歌嘅自拍片，見豪宅飽覽迷人海景，加上有指深井風水屋特別旺藝人，因此忽然搬新屋嘅佢被指有心催谷事業運。