【打工仔留意】增值自己 免費讀哈佛/倫敦大學/麻省理工課程 最快4星期讀完

·7 分鐘文章
【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

抗疫時期,不少打工仔面臨失業困境,或者想轉工但面對勞動市場淡薄又苦無機會。呢個時候唔少人會希望自我增值,但又往往因為進修成本太高而卻步。其實現時坊間已有唔少大學提供免費網上課程,好多仲係來自大家熟悉嘅哈佛、麻省理工等等外國名牌大學。只需要喺edX、Coursera等平台又或者呢啲大學嘅獨立Open Course Ware平台上面,搵到最貼近自己需要嘅課程,最短只需要4至5個星期,每星期用2至5小時,就可以學到實際專業知識,部分亦可以獲得證書,證明畀僱主睇你對有關工作嘅學習熱誠,就算準備讀書移民可能都有幫助,令呢項投資可以話係回報率相當高。

就住疫情影響下因為逆市增長而最受注目嘅電子商貿,著數專員今次就精選左電腦程式同埋市場營銷有關嘅課程介紹,任何人都可以立即準備在家進修!

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

電腦程式相關

1) 美國哈佛大學 《CS50's Introduction to Computer Science》

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

打頭陣介紹嘅係曾經獲得Class Central Top 100 Course of All-Time獎項嘅《CS50's Introduction to Computer Science》,呢個課程涵蓋唔同電腦程式語言包括C、Python、SQL、JavaScript同CSS以及HTML,適合新手入門,本身有相關知識嘅行業人士亦可以溫故知新。除左按唔同程式語言教返相關知識,呢個課程設計仲著重帶領學生創作自己嘅程式項目同埋present技巧,務求令學生唔止上完堂仲帶到野走。最後當然唔少得完成課程之後嘅認可,完成免費課程嘅學生可以另外畀90美元拎到一張認可證書,直接post上LinkedIn亦得,放上CV亦可以刷新本來嘅學歷同經驗,令人眼前一亮!

提供教材:影片、功課題目
長度:12星期 (可按自己步伐完成)
提供完成課程認可證書:有,需另付 $90美元
適合報讀人士:任何

讀完唔止增長知識,仲可以獲得實質證明!
讀完唔止增長知識,仲可以獲得實質證明!

2) 美國麻省理工學院 《Artificial Intelligence》

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

本身對電腦程式已有一定知識而有興趣係某啲主題上再深入了解嘅你,其實都有唔少選擇。好似MIT呢個人工智能嘅課程咁,對於本來從事電腦有關行業而又想喺新嘅領域有所增值,就係一個唔錯嘅入門課程。MIT有自己嘅Open Course Ware平台,無特別根據課程限制幾時開始或者讀完,亦無需要登記資料就可以隨時開始學習,都幾方便!

提供教材:影片、教材檔、參考資料、功課及考試題目
長度:23星期 (可按自己步伐完成)
提供完成課程認可證書:無
適合報讀人士:本身對電腦程式有一定知識而希望進修人士

3) 國立台灣大學 《計算機概論》

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

如果你本身英文底實在麻麻,但又有興趣學同電腦程式相關嘅基本知識,本身科技發展唔錯嘅台灣可能係你嘅選擇。台大除左開放部分課程係Coursera供人報讀,亦有自己獨立嘅 Open Course Ware平台,版面有埋課程分類,更加容易搵到心水課程。「計算機概論」呢個課程本來係畀Year 1學生嘅intro course,內容除左包括電腦科學的基礎技術及知識,亦都著重C/C++相關程式設計嘅技巧,從資料、系統到科學都一一講解,就算完全無相關知識的理科生都可以一戰。

提供教材:影片、教材檔、參考資料
長度:13星期 (可按自己步伐完成)
提供完成課程認可證書:無
適合報讀人士:任何

市場營銷相關

1) 美國波士頓大學 《Strategic Social Media Marketing》

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

受疫情影響,今年唔少傳統品牌紛紛轉型,更加積極投放資源去網上事業,包括宣傳同開拓網店;而多左時間喺屋企嘅潛在顧客,亦都花多左喺網上購物同埋搜尋商品資訊。所以無論係在職定希望轉職嘅marketer,學好運用Social media可以話係百利而無一害。《Strategic Social Media Marketing》呢個課程唔單只幫到傳統marketer重新有系統咁複習一次social media作為營銷工具嘅用途,仲會同大家逐樣分析點樣計劃先可以engage到潛在顧客,同時幫到老闆drive ROI同埋做decision making,岩曬打工仔上位用!至於想自己做老闆嘅你,無論開餐廳定零售小店,學好social media都一定幫到你累積人氣同埋製造話題!

提供教材:影片、教材檔、參考資料
長度:6星期 (約每星期4至6小時,可按自己步伐完成)
提供完成課程認可證書:有,需另付 $399美元
適合報讀人士:傳統市場營銷行業人士、想發展自己事業人士

2) 英國倫敦大學倫敦商學院 《Brand Management: Aligning Business, Brand and Behaviour》

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

疫情底下唔少品牌都要各出奇招「抗逆」,於是愈來愈多國際大品牌嘅marketers開始重新思考品牌定位,要點樣做先可以保持顧客嘅忠誠度同埋消費意欲。呢個同branding有關嘅課程正好提供到一啲方向,同埋搵到Lush、Unilever等唔同嘅知名品牌做例子,連同佢地嘅高層訪問,等大家可以參考同比較唔同品牌製造價值嘅手法,從而將知識化做行動。

提供教材:影片、參考資料及測驗*
長度:5星期 (約每星期3至4小時,可按自己步伐完成)
提供完成課程認可證書:有,需另付 $49美元
適合報讀人士:國際品牌市場營銷行業人士

*注意Coursera平台只向註冊用戶提供免費旁聽課程,如需進行測驗或希望獲得批改功課,需另付學費;Coursera亦有助學金提供,詳情請參閱課程網站

3) 美國加州藝術學院 《Visual Elements of User Interface Design》

【打工仔留意】增值自己 免費讀哈佛/倫敦大學/麻省理工課程 最快4星期讀完
【打工仔留意】增值自己 免費讀哈佛/倫敦大學/麻省理工課程 最快4星期讀完

做marketing除左運用唔同營銷工具,由於工作上好多時牽涉到同圖像表達有關嘅項目,所以都需要有一定美感。如果本身無設計底子,可以考慮相關課程,儲多樣知識之餘,又係一個傍身技能,而且對平時做唔同project嘅時候brief designer都會有幫助。來自CALARTS嘅呢個課程係成套《UI/UX Design》嘅其中一部分,大家可以按需要註冊唔同課程,尤其適合從事同e-commerce或者web design有關嘅marketers。

提供教材:影片、參考資料、測驗及功課*
長度:4星期 (約每星期2至5小時,可按自己步伐完成)
提供完成課程認可證書:有,需另付 $49-79美元
適合報讀人士:網上營銷行業人士、想發展自己事業人士

*注意Coursera平台只向註冊用戶提供免費旁聽課程,如需進行測驗或希望獲得批改功課,需另付學費;Coursera亦有助學金提供,詳情請參閱課程網站