捱足九年 樂隊SULIS首支單曲面世 十五秒前奏錄足四十五分鐘

樂隊「SULIS」SULIS分別由主唱兼結他手冼彥龍（Jonathan）、結他手朱啟軒（ROY）、低音結他手范文浩（Logout）及鼓手郭凌峰（Nathan）四人組成。組合名稱來自公元前羅馬人的溫泉聖地「Aquae Sulis」，樂隊希望他們的音樂靈感如泉水源源不絕，也希望有如蘇利斯之水滋養大家，成為生命中的必需品。SULIS 的音樂偏向英倫風，充滿活力和熱情，令人猶如置身歡快又悠閒的英國酒吧。

首支全新單曲《The Sulis Club》表面上是SULIS的自述，實際上也道出了大家的故事。樂隊成軍九年，擁有夢想，精心鑽研音樂，希望成為聚光燈焦點，卻苦無機會，幸好音樂成為他們的解藥，志同道合的成員互相扶持，終於他們得到伯樂欣賞，在The Sulis Club之中大放異彩。主音Jonathan說：「喺創作過程入面，我哋竭盡全力想要表達出自己嘅情感。喺夾band嘅九年入面，我哋一直相信自己，冇放棄過。」

這次SULIS 找來Supper Moment監製及編曲，鼓手Nathan亦有參與填詞部份，「『從無緣當翡翠 琉璃仍可發光』，有時我哋未必可以成為最好嘅玉石，不過玻璃經過打磨都可以成為工藝品，每個人都有獨特一面，唔需要刻意比較，做自己嘅光芒係無可取代。」結他手Roy及彈Bass的Logout均表示這次錄音有特別的經歷，首日錄音時，Roy疑似身體不適，聲線完全進入沙啞的狀態，隊友見他聲沙兼在毫無還擊能力之下，向監製提出要求，「將我第一段音樂編曲，由我擅長嘅電結他，轉為我最弱嘅魚絲結他，十五秒嘅前奏，我足足錄製咗四十五分鐘先完成！雖然遇到難關，但就因為咁而帶咗新嘅色彩比歌曲，亦帶俾我新嘅錄音經驗。在此多謝一班挑我機嘅隊友，哈哈。」Logout坦言自己是首次接觸日系風格的錄音，「所以練習上，Supper嘅CK俾咗唔少意見、reference同埋時間我，好大嘅自由度。同埋因為每次我哋錄音都會總動員出席，原來咁樣一齊去做一件事，會令到我哋更加了解對方做嘅嘢，亦都知道點樣去攞聲，對於日後演出，如果有啲咩意外，我哋都會知道點樣去互相補足。」