雅虎香港新聞 搭飛機暗藏危機 脫水、便秘、輻射樣樣齊
搭飛機多數都開心，始終喺旅行緊，但搭得多、搭得耐，其他都好辛苦。唔單止喺坐得耐會腰酸背痛，好多身體嘅不適都會出現，例如︰耳嗚、下肢腫脹、嗅覺同味覺減弱、口鼻好乾、身體脫水引致便秘等等。一間旅遊保險公司就圖文揭示搭飛機嘅對身體嘅威脅，唔講真係唔覺搭飛機咁有危機！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
Photo01
減弱嗅覺味覺
飛行高度太高，空氣乾燥及大氣壓力，令人體嘅嗅覺同味覺會減弱三份之一。
02: 相片來源：the-future-now @tumblr
3小時流失1.5升水份
三個小時嘅飛行，身體就會流失1.5升嘅水份以上，因為機艙內嘅相對濕度大約喺4，口、鼻及喉嚨明顯會感受到乾燥。
75%供氧
雖然機艙有供氧，但只得75%氧氣，身體有機會出現低氧、缺氧情況，會覺得頭暈、疲倦或頭痛。而且機艙內一半空氣喺循環再用，好易滋生細菌同病毒，所以要經常消毒雙手，戴埋口罩將細菌隔絕。
水曾有大腸桿菌
試過喺機上嘅食水，發現有大腸桿菌同其他細菌，雖然以家安全咗好多，但都唔排除會再有。建議大家都係飲用樽裝水，唔好飲飛機上面嘅水、果汁同包裝水。
便秘
大氣壓力嘅改變，令身體內壓都改變，引致身體會膨脹，情況就好似沙灘波被吹脹咁，咁樣會引致便秘、腹脹同腹痛。
7小時機程=照一次X光
搭一程7小時嘅航程，身體吸收到嘅輻射，就等於照一次X光。大家都知照得輻射多，會對身體有害，特別喺孕婦。
靜脈曲張
搭飛機長期維持坐立姿勢(頭等艙平躺座椅另計)，下肢血液循環冇咁好，加上地心吸力，對腳好易充血腫脹，增加靜脈曲張嘅風險，建議大家多D郁下行下。
忌飲酒
唔好飲太多酒精飲品，因為酒精會減慢身體嘅新陳代謝，而且會加劇缺氧情況。
03: 相片來源：ellexray @tumblr
更多相關文章
