現正熱播的無綫劇《我瞞結婚了》中，黃翠如身邊有位老是常出現的女同事，原來是曾在黎明旗下做歌手的 王歌慧 (Emily)！06年已經簽約A Music的她只出過兩首歌，以及拍過三套港視劇，一直半紅不黑，直到2015年才轉投無綫懷抱。除了有份主持MV節目《無間音樂》，仲先後拍下《我瞞結婚了》和《心理追兇 Mind Hunter》，雖然都只係小角色，但總算有不少對白和戲分，有望成功搏翻身！
自覺唱歌難聽
現年26歲、擁有33C身材的王歌慧，出生在杭州，曾就讀協同國際學校，並於公開大學修讀經濟學系。在06年16歲時她巧遇黎天王，獲簽入A Music，初時諗住做歌手，點知佢自己同黎明都覺得佢唱歌難聽又冇天份，所以只係出咗兩首歌，就冇晒下文。
《我瞞結婚了》入面王歌慧(後排右四)和樂瞳(後排右三)都係飾演黃翠如同事兼好友，但相比起30歲的樂瞳，26歲的王歌慧竟然更加師奶味濃！
比起兩年前剛約滿A Music時，王歌慧面形和身形都脹爆咗好多。
未成功 但有父幹
之後王歌慧曾經轉型做o靚模，又自掏腰包到北京學演戲，但冇工開就冇收入，多年來王歌慧都係靠在內地做生意嘅父親俾錢供養，在A Music八年期間夾夾埋埋用咗屋企五百多萬！不過王歌慧對黎明都冇埋怨，曾經話：「Leon有開解我，佢同我講，每個人都要等，人人都等緊運到，佢都一樣要等。」咁依家拍《我瞞結婚了》多咗咁多出鏡機會，算唔算時來運到？
2015年時的王歌慧33C玲瓏浮凸，加上一對白滑長腿，勁索！
{"IPTC-DATA":"NMG","data":{"photoID":2216131}}
簽約A Music八年，由16歲磋跎到25歲，一直冇咩工開，但王歌慧都感謝黎明賞識，大讚A Music係「重質不重量」。
06年王歌慧(左二)初入黎明旗下，曾有份拍攝黎明執導、衛蘭主演的音樂特輯《緣邀知音》，飾演杜汶澤手下的神秘少女。
06、07年先後唱過單曲〈聽說〉和〈大話精〉，仲租埋法拉利同林寶堅尼拍MV，不過連王歌慧都覺得自己唱歌難聽，惟有轉行做o靚模。
當年19歲時的王歌慧瓜子面口，眼大大，雖然有啲baby fat，但都好好波。
10
初入o靚模界的王歌慧青春無敵，唔介意大sell其33C身材。
12
09年，王歌慧殺入《美女廚房》，挑戰美少女廚神大賽，挾「黎明新女」之名，成功奪冠！
對住黃秋生、方力申等前輩，王歌慧一啲都冇怯場，玩得勁high！
節目中王歌慧仲表演柔道，由蘇民峰扮「色狼」，任王歌慧狂撻！
同年王歌慧仲有份做光良〈店小二〉和〈清水〉的MV女主角。
雖然一直紅唔起，但王歌慧同A Music一班同事都勁friend，同Janice Man、衛蘭出入時都手拖手。
衛蘭同應昌佑仲幫王歌慧慶祝生日。
王歌慧仲有個細佬，兩人年齡相差不大，感情勁好。
喺A Music冇工開嘅日子，王歌慧得閒就玩吓狗，或者入廚整吓蛋糕。
21
得閒仲會打吓拳、做吓瑜伽！
到2012年，王歌慧開始拍港視劇，其中《驚異世紀》每集都有不同造型，每集都有驚喜，特別係女鬼造型，驚嚇度爆燈！
着起女警制服的王歌慧，搞乜鬼咁似劉玉翠嘅？
其中一集扮大學生，其實拍攝時王歌慧都只係得22歲，扮大學生先係最入型入格！
另一集扮殘爆護士look，認真大犧牲！
扮索秘書，一樣得！
之後在《來生不做香港人》扮演社運女神Lennon，向陳巧文致敬，曾經在網上大熱過，可說是王歌慧的代表作。
王歌慧同梁小冰做過唔少對手戲，梁小冰都大讚佢係「最有前途新人」，只不過係「新」足咁多年啫！
同年在《第二人生》，王歌慧扮演神秘少女Angel，做番靚女造型。
2012年拍完港視劇後，王歌慧近三年一直冇工開，直到2015年約滿A Music，簽約為無綫部頭合約演員，王歌慧開始做《無間音樂》主持，而拍劇暫時就只有《我瞞結婚了》和下月開播的《心理追兇》。
全文完
延伸閱讀：
女大18變《超級巨聲》趙展彤變靚闖樂壇
鳳姐大揭秘 為客人心理輔導 處男破處有回贈？
談洗米華父子 洗米嫂Heidi開腔爆料
雅虎香港新聞 
