搶先一步? 周刊封面爆Mandy 520英國生女

上年爆出混血名模Mandy Lieu疑似做小三,介入太陽娛樂老闆周焯華(洗米華)與正室陳慧玲(Heidi)嘅婚姻。期間兩人不避嫌多次密會,Mandy更承認與對方發展中,仲化身「人肉梳化」喺賭場與華哥齊齊賭百家樂。去到年尾又傳出,MandyHeidi同時懷有4個多月「華B」,仲話MandyB女,而Heidi就陀B仔,啱啱夾埋就係一個「好」字,預產期又係今年45月之間,兩邊嘅角力戰可以話從未間斷。

去到今日,有傳媒爆出Mandy成為人母,喺全英國擁有最好水中分娩設施嘅醫院生產。內文話B女喺520日出生,撞正諧音「我愛你」出世,真係夾都夾唔到呀!喺19日嘅時候,洗米華已經到達英國,仲第一時間去醫院陪住Mandy。有傳媒影到生完休息唔夠一日嘅Mandy,已經由洗米華陪同之下出院,男方仲手抱BB

另一邊廂,華嫂Heidi已經鐵定530日提早剖腹產子,點解要530日?因為洗米華係530日生日,咁就可以年年都同老公囝囝一齊過生日。