撞鬼自駕遊｜靈探響導稱鬼魂只襲擊感情不忠人士 Ash鍾卓穎尷尬直認對感情有內疚

現年25歲嘅Ash（鍾卓穎），喺前年參加《全民造星IV》60強止步，不過仍然備受網民關注。Ash喺上年年初承認離婚；同一時間，張天賦（MC）被爆與Ash平安夜結伴行超市，疑似成為令Ash與丈夫分開嘅主因。雖然Ash形象受損，不過仍然無阻佢然獲ViuTV賞識，簽約成為MakerVille旗下藝人。喺今年，Ash演出機會不斷，好似最近熱播嘅《撞鬼自駕遊》，佢同193＠ERROR負責做主持，以自駕遊方式尋找英國各個猛鬼熱點。日前其中一集就講到193同Ash前往約克猛鬼酒吧，而喺嗰度嘅鬼魂仲會襲擊對感情不忠嘅人，193當時即刻用手指住Ash及忍唔住笑，結果引起網民熱烈討論。

日前《撞鬼自駕遊》就講到193及Ash前往約克猛鬼酒吧，據講酒吧有好多怪事發生，有人仲試過被鬼魂掐頸至幾乎窒息。靈探響導就講到鬼魂只會襲擊對感情不忠嘅人，之後193就即刻用手指住Ash並話：「如果你係...errr」Ash笑問：「咩呀？」及問193：「你有冇試過對感情內疚呀？」，193回答：「有呀」及反問Ash有冇對感情有內疚，而Ash就表現尷尬咁話：「有呀有呀有呀...」及笑話今晚一齊俾人掐頸，不過大家無嘢可以做到，只可以由得鬼魂掐頸5至6秒。193再指住Ash話：「肯定你今晚被掐頸都唔出聲呀，一個鐘掐一次呀可能，跟住扮冇呀聽朝。」

之後，佢哋用6用六支鉛筆透過「Charlie, Charlie」嘗試通靈，193就表示自己唔夠膽問靈體佢會唔會被掐頸，反而Ash就好勇敢咁問靈體：「我想問我今晚會唔會有事？」之後鉛筆向上，即係Ash會有事，令Ash感到非常不安。

去到第二日朝早，Ash表示自己好疲倦及瞓得唔好，及發現面上有傷痕：「好似我6點先瞓到，瞓咗三個鐘，之後就扎醒咗，再瞓返到好疲倦，仲要今朝起身塊面損咗，因為我每晚沖涼之後，卸完妝都會仔細咁望下我塊面有冇暗瘡或者損咗...我係今朝先見到（傷口），噚晚肯定冇㗎！」所以Ash就諗緊噚晚係咪俾鬼魂打。

節目出街後，唔少網民大讚193敢言，例如「敢言帝193」、「3爺好敢言」、「頭先呢下嘢真係全個節目嘅精華」及「笑死 193好波」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！