政府專家倡2月開始逐步取消口罩令 疫情不會大幅反彈

政府會喺今個月30號取消隔離措施,香港嘅防疫措施只會剩低口罩令以及學生需要快測,政府專家顧問劉宇隆今日話,可以分兩至三階段取消口罩令,2月底可以喺室外通風地方取消戴口罩,3月左右取消室內口罩令,之後醫院以及院舍就最後取消。 劉宇隆估計,取消口罩令之後,會出現流感以及新冠疫情反彈,個案維持喺2000宗或更低水平,但唔會有後口罩海嘯。 佢又認為,如果無出現大型爆發,可以取消師生快測嘅措施,過關亦可以用快測取代核酸。