政Whats噏:陳淑莊去年神秘離港赴台 阿媽唔肯走

·1 分鐘文章
有傳陳淑莊上年已經離開香港,隻身赴台定居。

前議員兼執業大律師陳淑莊(Tanya),自從前年9月宣布退出公民黨之後,就一直消聲匿跡,就連官司都好少接。但原來有消息話,陳淑莊上年已經離開咗香港,隻身赴台定居,開始新嘅生活。至於Tanya嘅媽媽一直兩母女相依為命,但由於媽媽唔肯離港,只有託親友照顧。

而家49歲嘅Tanya,中小學及幼稚園都喺嘉諾撒仁愛女修會主辦嘅嘉諾撒聖心書院讀書,之後喺香港大學法律係學士度畢業,1992年仲參加過香港小姐選舉,但就入唔到圍。

Tanya後來喺香港大學讀埋法律系碩士,再成為見習事務律師,再轉做大律師。後來識咗資深大律師余若薇,就開始展開從政之路。

有消息話陳淑莊離開香港之前都想保留自己執業大律師資格,所以一直都喺「馬維騉大律師事務所」掛名。

Tanya前年同香港中小企食店聯盟召集人林瑞華喺酒吧開會嘅時候,曾經俾人票控違反4人限聚令,但最後裁定罪名不成立。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能