【文武雙全】奀仔童星變爆肌男 李日昇都係學霸級演員

近日《跳躍生命線》熱播,紀律部隊主題向來都得歡眾歡心,加上劇情涉及生死,有血有淚,主線及分支劇情幾突出。喺一眾救護員當中,其中一位就係由6歲就開始做童星嘅李日昇,唔覺唔覺佢已經入行廿年,讀書時代,佢成績都好好,可以講得上係文武雙全㗎!

撰文:Joanne、東方新地|圖片:李日昇ig,2東方新地、劇照

延伸閱讀:

【親子餐廳】 扮特務做任務 大玩實景角色任務遊戲

【親子好去處】秋日野餐好去處 12大鬧市靚草地

《跳躍生命線》中演救護員

全身投入做演員之後,李日昇除咗有參演近日熱播嘅《跳躍生命線》之外,早前喺《城寨英雄》同《棟仁的時光》,都有令人深刻嘅演出。《城寨英雄》中,飾演弱能人士「小智」。

《棟仁的時光》中嘅「阿正」係一個自閉青年,經常畀上司刻薄。

童星出身 入行20年

今年26歲的李日昇,年紀輕輕,但其實佢當童星出身,6歲起開始參與演藝工作,不經不覺入行20年!多年來李日昇拍過多部劇集和電影,同過唔少紅星藝人合作,講資歷的話其實係老前輩!

獲杜Sir欣賞

李日昇雖然現時喺無綫多演出一啲小角色,但其實佢多年來參與唔少大製作,小時候就係大導演杜琪峯愛將,演出過《黑社會》、《神探》及《文雀》等作品。

李日昇
李日昇拍《黑社會》時與影帝任達華有唔少對手戲
劉德華、甄子丹主演的《追龍》,亦見到李日昇
劉德華、甄子丹主演的《追龍》,亦見到李日昇

中學時代係學霸

開始歲入青春期,李日昇都仍然有唔少演出機會,例如喺《溏心風暴之家好月圓》中,飾演少年版嘅林峯。而中學時代,李日昇喺傳統名校英華書院讀書,IQ有140嘅佢,更試過連續6年考全級第一!

Support

A post shared by 李日昇 (@leeyatsingg) on Sep 27, 2014 at 4:01pm PDT

英華係學界籃球界嘅傳統勁旅,身為英華仔,李日昇打籃球應該都唔會太渣掛!?

細細個奀支支,「病壞」咁嘅樣,長大後就迷上健身,變咗大隻仔。

而家爆哂肌,又有倒三角,簡直變咗個人咁!

自己練大隻,又去考埋個教練牌,而家又做埋健身教練。

何廣沛同張彥博都係跟佢操架!

李日昇嘅媽媽係著名粵劇演員傲雪瑩,媽咪有演出佢都一定會去支持。唔知係咪受媽咪影響,李日昇對中國傳統文化都好有興趣。

 

自己畫的一手好畫,仲會開班教小朋友畫。

Had fun with my new toy #painting #art #fun #hkig

A post shared by 李日昇 (@leeyatsingg) on Feb 16, 2014 at 7:51am PST

要多謝黃浩然

雖然入行多年,但李日昇的演藝生涯未算理想,更曾經有一段時間放棄演員夢去投考消防員。直至有一次佢喺TVB劇《愛我請留言》飾演年輕版黃浩然,佢向黃浩然透露想放棄後,對方同佢講:「不如你去考訓練班啦,嗰度多一啲機會」李日昇早年接受訪問時,直言黃浩然呢句話令佢重燃希望!

《跳躍生命線》都播咗大半,而家李日昇就拍緊《包青天之再起風雲》。

延伸閱讀:

【親子好去處】即釣即食 全港唯一 觀塘台式室內釣蝦場