新劇燒腦 陳豪度橋扮裸泳 龔嘉欣打戲中拳 爆鼻見紅

陳豪和龔嘉欣率領熱播劇《新四十二章》一眾演員宣傳劇集，即席分享拍劇的苦處。嘉欣自爆拍打戲時被打爆鼻，當場流血，擔心影響拍攝進度多過破相；陳豪則指此劇燒腦，要花上5倍精神！

陳豪昨日聯同龔嘉欣、周嘉洛、譚凱琪、江嘉敏、鄺潔楹、戴耀明和吳子冲等，齊齊到中環宣傳《新》劇，劇集收視和口碑理想，隨着市面復常，他們活動時可近距離接觸人群，陳豪特別高興。龔嘉欣指角色武功高強，拍對打戲時感吃力，要忍住淚水，又自爆一場對打場面被打爆鼻：「係位置唔啱，打到鼻嗰下我聽到啪啪兩聲，流血好驚，即刻攞鏡照，驚影響進度，因為嗰場係大場面，好多威吔戲。」幸好她之後到醫院照X光證實沒大礙，問到男友是否很心痛？她聲稱沒男友，之後扯開話題，稱近日購置家用咖啡機，要向陳豪請教烘焙咖啡，問到男友是否愛飲咖啡？她笑說：「好多朋友都鍾意，學緊拉花，依家成日煩住陳豪，希望第時有機會一齊搞生意。」

而陳豪指此劇集動作、幻想、感情和尋寶於一身：「要高度集中精神，拍一部等於拍咗5部。」提到早前與譚凱琪有一場裸泳戲，他表示自行建議將底褲拉低加強效果，但笑言「兒童不宜」，故不讓子女看。

「小腰精」譚凱琪弗過生B前

至於穿貼身裙現身的譚凱琪，目測腰圍只有22吋，她稱買牛仔褲要買24吋腰，現時95磅，較未生前更輕。而嘉洛在劇中有赤膊騷肌場面，他稱埋位前不停做掌上壓谷肌，笑言現已失去效果，並透露3月開拍《痞子殿下2痞子無間道》，對於夏天開古裝劇，他指最緊要是觀眾睇得開心。