雅虎香港新聞 Yahoo Travel HK
新加坡酒店推兒童主題套房 父母可舒服渡假
復活節假期啱啱已經完咗，好多人都會趁着復活節假期一家大細岀遊，近年來唔少酒店都針對服務對象研發出唔同嘅套房，好似寵物套房就大行其道，而新加坡香格里拉酒店最近新開嘅兒童專用套房，亦好適合一家大細去旅行入住，一齊來睇下啦。
酒店擁有五間兒童客房，為客人提供唔同主題嘅裝飾，其中靈感包括野生動物園、太空、城堡、樹屋同水世界。套房包含一系列適合兒童嘅設施，例如兒童電視，毛毛玩具，兒童專業洗浴用品同微型浴袍，套房嘅客房服務都會提供兒童菜單，包括牛肉漢堡同雪糕杯。如果同行有嬰兒，酒店亦可應要求提供嬰兒食品、旅行嬰兒床、嬰兒手推車同高腳椅，夠曬貼心。
每間套房包括兩間臥室同兩間浴室，兒童房就會通過隧道與父母房間相連，令父母同時擁有私人空間。酒店仲設有先進嘅室內同室外遊樂場，並有水上滑梯，球場同迷你音樂室，為兒童提供一站式娛樂。
兒童主題套房平均每晚1,500新加坡元。
酒店仲設有一個兒童night club，父母可以係度假期間將子女交託係安全嘅地方。
酒店有唔少一個令人印象深刻嘅戶外遊樂場，當中包含不少水上遊樂設施。
.
相關文章
