新居屋揀樓注意：有咩屋苑即買即住？

一年一度大抽獎已經落幕，以市價六折推售7,000多伙新居屋，本周起開始揀樓，首日已賣出93伙，當然以鑽石山啟翔苑最受歡迎，賣出68伙，當中的樓王更以半小時內火速沽出，但這些機會不是屬於每個人。

下載Yahoo財經APP
美股、外匯、加密貨幣免費即時報價，自選投資組合獲取相關新聞提示。

當然，揀唔中啟翔苑的你都不用葡萄，因為啟翔苑預計到2023年5月才落成，如果你打算短期內結婚生仔，肯定好頭痕。心急上車的你兼想即刻有屋住，其實仲有大把選擇，位於火炭彩禾苑是現樓，但項目只得806伙，可能你都未必揀得到。不過，四大屋苑其實仲有滄海遺珠，仍可享有即買即住優勢。

共提供3,222伙的粉嶺山麗苑居屋2020最大型的項目，很多人都忽略了它即買即住的優勢，因為屋苑關鍵日期是今年11月30日，如本月成功揀樓，連同辦理手續、申請按揭約3至4個月時間，完成正式買賣程序後已將近入伙，變相揀樓時已可諗定裝修與傢俬了。

當然，頭盔都要戴一戴，粉嶺山麗苑配套薄弱，位置亦較偏遠，出入中九龍與港島動輒要一個半小時車程，新業主要有做開荒牛的心理準備，但入場價最平只需117萬元，而且供應最多，如果位置適合你的生活圈，你亦有大把機會揀樓。

雖然彩禾苑及山麗苑地點較遠，凡事都要講取捨，但最大賣點是平，平均呎價分別是7191元及5184元，比起其他私樓隨時過萬元，是踏上置業階梯第一步，之後再計劃換樓。上半年香港樓價又起飛，有時可能要上了車再打算。