雅虎香港新聞 【新年最啱玩】麻雀唔係大人專利 遊戲一樣好玩
一講打麻雀就總會令人覺得是大人玩意，其實呢個活動真係由古代開始已經受歡迎，由打馬吊變打麻雀，相信都是過年過節必備玩意之一。但點先啱小朋友一齊玩？朗豪坊就用麻雀做主題，設置特別裝飾及遊戲，等過年一家大細都可以齊齊玩埋一份。
今次朗豪坊「喜雀遊樂園」加入大量互動遊戲元素，包括「海底撈月」及麻雀版掟彩虹「比翼雙飛」，小朋友唔需要學打麻雀，只需當普通攤位遊戲般玩就可以，將麻雀變成老少咸宜的活動。
「海底撈月」攤位以仿照「荔枝皮麻雀盒」作設計，只需於指定時間內，於「麻雀海」中撈出3隻指定的麻雀Cushion，便可以得到蓋印。
而麻雀版掟彩虹「比翼雙飛」，則給予參加者3個專用「籌碼」，只要掟中枱上的一索或九索，即可獲得蓋印。
想玩遊戲的話，就要於1月13日至2月12日期間，於商場消費滿$500，便可以換領遊戲卡一張，可以參加每個遊戲一次，只要儲齊蓋印便有機會換到精美「喜雀耍樂十三么貼紙」或「喜雀耍樂十二么擦膠」，每日限量50份。
除咗玩遊戲之外，遊樂園的影相位亦相當吸引，包括可以將自己當成「花」、與「發」財麻雀合照等。
另外，亦設置一個文青feel的霓虹燈牆，於「開枱無人無枱開」的字句下拍攝文青風相片。
最後，大家還可以去「麻雀茶餐廳」稍事休息，於充滿懷舊風味的「茶餐廳」內影返夠本。
而要封利是的媽媽要注意，只要於1月13日至1月27日，在商場消費滿$500，便可免費換領「喜雀耍樂十三么利是封」一套。
日期：2017年1月13日至2月12日
時間：上午11時至晚上11時
地點：朗豪坊4樓通天廣場
查詢：3520 2800
相關內容
想追蹤更多最新最好的親子資訊？請瀏覽我們 親子頭條專頁
