方力申洩蜜 天使出現咗!

東方日報
·2 分鐘文章
方力申感情上沒鬥心,認為「係你嘅點都搶唔走」。
方力申感情上沒鬥心,認為「係你嘅點都搶唔走」。

外表充滿自信與鬥心的方力申,自嘲實情是怕醜仔,感情上不會做主動,他相信:「係你嘅就點都搶唔走,唔係你嘅點都留唔住!」更說漏嘴其「天使」已出現,靜待緣分安排。

繽FUN星網節目「金鈴12星X萬希泉」,一連12集訪問不同星座的藝人,由有「金槌拍賣官」之稱的金鈴主持。今集邀得雙魚座的「飛魚王子」方力申擔任嘉賓,問到感情狀況,單身的他坦言不覺得孤單:「我又唔係享受單身生活,都想有個伴,雙魚座鍾意幻想如果有女朋友,可以同佢分享吓係幾咁好,但我覺得感情講緣分,結咗婚係咪一定白頭到老?係咪唔結婚又一世都唔結?又唔係。」

抗拒小姐脾氣

談到擇偶條件,小方笑說:「去到呢個年紀,冇話一定要咩條件。」他喜歡內外兼備的女生,個性善良又平易近人,又想她有天使的面孔及天使的內涵:「但生得靚往往可能會有小姐脾氣,或者有架子,想佢靚得嚟又可以喺街邊食魚蛋粉、煲仔飯,所以唔係咁容易見到。」重提對上一段與鄧麗欣的10年情,曾被指花弗、不肯結婚成分手導火線,小方漏口風說:「我哋從來冇講過呢個話題,但臨尾幾個月,個女仔有問我大家未來係咪同一個方向,我答梗係同一個方向!」不過已無補於事。

運動員分秒必爭,但小方自言除了游水方面有鬥心,其他都沒有,亦不會做主動:「我係嗰種『命裏有時終須有,命裏無時莫強求』嘅人。」不過,他暗示「天使」已出現,只是緣分未到而已。

方力申與金鈴分享愛情觀期間,說漏嘴暗示「天使」已出現。
方力申與金鈴分享愛情觀期間,說漏嘴暗示「天使」已出現。


【相關搜尋】方力申爆陳瀅有男友