旅行新方式 做餐廳速遞APP送餐順道周遊日本

·1 分鐘文章

餐廳速遞APP成風,有人視為全職有人視為副業,不過對於呢一位日本人而言,原來係一種旅遊方式。一位男子「小林ていじ」一直希望環遊日本,不過苦無旅費之下唯有諗諗方法,最後決定加入Uber Eats,採用邊送餐邊旅行嘅方式,希望由東京開始,慢慢遊到沖繩。

佢以一架單車作為運輸工具,去到唔到城市接單賺錢,不過當然並非想像咁順利,因為唔同地區送餐文化都非常不同,例如名古屋原來就無乜人用送餐APP,一日只搵到2,400日圓;又有啲地方實在太大,送一個餐就要踩成半個鐘單車,非常費時。目前佢由出發至今每日不分晝夜、日曬雨淋都開工,經一個月時間之後終於抵達京都,不過旅費就由3萬日圓用到得返3千日圓!佢就話一定會繼續堅持落去,幾辛苦都要完成旅程咁話呢。

一位男子「小林ていじ」以一架單車作為運輸工具,去到唔到城市接單賺錢。 (圖:小林ていじ@Twitter)
一位男子「小林ていじ」以一架單車作為運輸工具,去到唔到城市接單賺錢。 (圖:小林ていじ@Twitter)
目前已經到達大阪、京都等地,用咗1個月時間。 (圖:小林ていじ@Twitter)
目前已經到達大阪、京都等地,用咗1個月時間。 (圖:小林ていじ@Twitter)
去到唔同地方都會順道遊覽名勝,例如京都塔。 (圖:小林ていじ@Twitter)
去到唔同地方都會順道遊覽名勝,例如京都塔。 (圖:小林ていじ@Twitter)

相關文章:

日本旅遊關西-5-間溫泉旅館推介-8-道菜蟹料理每人食足

本地好去處鬼滅之刃期間限定店登陸尖沙咀-10-米長打卡牆同四大主角自拍

旅遊業指政府不放寬禁聚令-航空公司不安排團體位-評氣泡難助業界